Содержание
- Акафист Страстям Христовым (текст + mp3 + видео)
- Акафист Страстям Христовым (слушать, смотреть)
- МОЛИТВА КО ГОСПОДУ ИИСУСУ РАСПЯТОМУ
- МОЛИТВА ИНАЯ КО ГОСПОДУ ИИСУСУ РАСПЯТОМУ
- Акафист Страстем Христовым
- Акафист Божественным Страстям Христовым (Пассия)
- Акафист Божественным Страстям Христовым
Акафист Страстям Христовым (текст + mp3 + видео)
Акафист Страстям Христовым читается во время Великопостного богослужения в память о страданиях Господа нашего Иисуса Христа. Это — торжественный гимн в воспоминание о мучениях Спасителя на Кресте, которые Он вынес по большой любви к людям, даруя нам Спасение. Это — важный момент в отношениях человека и Бога. Господь так возлюбил нас, что отдал Сына Своего Единородного, чтобы Тот искупил наши грехи Своей крестной смретью.
Акафист Страстям Христовым (слушать, смотреть)
Кондак 1
Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.
Икос 1
Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.
Кондак 2
Видев Тя Ангел в вертограде Гефсиманстем до пота кровава в молитве подвизающаяся, представ укрепляше Тя, егда яко бремя тяжкое грехи наши отяготеша на Тебе: ты бо, Адама погибшаго на рамо восприим, Отцу представил еси, преклонь колена моляся. О сем убо с верою и любовию пою Тебе: Аллилуиа.
Икос 2
Разума неуразуменна вольнаго Твоего страдания не уразумеша иудее: сего ради егда в нощи со светильники ищущим Тя рекл еси: Аз есмь, аще и падоша на земли, но по сем связавше Тя, ведоша на судище; мы же на сем пути, припадающе к Тебе, с любовию зовем:
Иисусе, Свете мира, от мира лукаваго возненавиденный;
Иисусе, живый во Свете Неприступнем, от области темныя ятый.
Иисусе, Сыне Божий Безсмертный, от сына погибели на смерть указанный;
Иисусе, в Немже льсти несть, от предателя лестию лобзанный.
Иисусе, туне Себе всем подаваяй, за сребреники проданный;
Иисусе, Сыне Божий, помяни нас, егда приидеши во Царствии Твоем.
Кондак 3
Силою Божества Твоего прорекл еси трикратное отвержение ученику. Он же посем, аще и отречеся Тебе с клятвою, обаче, егда узре Тя во дворе архиерейстем, Господа своего и Учителя, умилився сердцем, изшед вон плакася горько: «Призри убо и на мя, Господи, и порази жестокое сердце мое, да слезами моими омыю грехи моя, поя Тебе: Аллилуиа».
Икос 3
Имеяй воистинну власть по чину Мелхиседекову, яко Архиерей во веки, стал еси пред беззаконным первосвященником Каиафою, Владыка и Господь всех; от Твоих убо рабов приявый мучение, приими от нас сицевая:
Иисусе безценный, ценою купленный, стяжи мя в Твое вечное наследие;
Иисусе, желание всех, от Петра страха ради отверженный, не отвержи мя, грешнаго.
Иисусе, Агнче незлобиве, от лютых вепрей терзаемый, изми мя от враг моих;
Иисусе, Архиерею, Своею Кровию вшедый во Святая Святых, очисти мя от скверн плотских.
Иисусе связанный, имеяй власть вязати и решити, разреши моя тяжкая прегрешения;
Иисусе, Сыне Божий, помяни нас, егда приидеши во Царствии Твоем.
Кондак 4
Бурею христоубийства дышуще иудее, послушавше глас отца лжи и человекоубийцы искони, диавола, отвергоша Тебе, правый Путь, Истину и Живот; мы же Тя, Христа, Божию силу, в Немже вся сокровища премудрости и разума сокровена суть, исповедуя, вопием: Аллилуиа.
Икос 4
Слыша Пилат кроткия Твоя глаголы, аки достойнаго смерти предаде Тя на пропятие, аще и сам свидетельствоваше, яко ни единыя вины обрете в Тебе: руце убо свои умы, но сердце оскверни; мы же, чудящеся тайне вольнаго страдания Твоего, со умилением зовем:
Иисусе, Сыне Божий и Сыне Девы, от сынов беззакония умученный;
Иисусе, поруганный и обнаженный, даяй лепоту крином сельным и одеваяй небо облаки.
Иисусе, насыщенный ранами, пятию хлебы пять тысящ насытивый;
Иисусе, Царю всех, вместо дани любве и благодарения жестокия муки приемый.
Иисусе, нас ради весь день язвленный, уврачуй язвы душ наших;
Иисусе, Сыне Божий, помяни нас, егда приидеши во Царствии Твоем.
Кондак 5
Боготочною Кровию Твоею весь облеклся еси, одеяйся светом, яко ризою. Вем, воистинну вем со пророком, почто червлены ризы Твоя: аз, Господи, аз грехами моими уязвих Тя: Тебе убо, мене ради уязвленному, благодарственно зову: Аллилуиа.
Икос 5
Провидев Тя в дусе Богоглаголивый Исаия, безчестием и ранами исполненна, ужасся вопияше: «Видехом Его, и не имеяше вида, ни доброты»; мы же, зряще Тя на Кресте, с верою и удивлением зовем:
Иисусе, безчестие терпяй, человека славою и честию венчавый;
Иисусе, на Негоже Ангели зрети не могут, по ланитома заушенный.
Иисусе, по главе тростию ударенный, преклони во смирение главу мою;
Иисусе, светлая Твоя очеса кровию омраченная имевый, отврати очи моя, еже не видети суеты.
Иисусе, от ног до главы не имевый целости, всего цела и здрава сотвори мя;
Иисусе, Сыне Божий, помяни нас, егда приидеши во Царствии Твоем.
Кондак 6
Проповедник Твоего незлобия явлься Пилат, показа народу ничтоже быти в Тебе достойно смерти; но иудее, яко звери дивии кровь узревше, скрежетаху на Тя зубы своими, «распни, распни Его», вопиюще; мы же, лобызающе пречистыя язвы Твоя, зовем: Аллилуиа.
Икос 6
Возсиял еси в позор и удивление Ангелом и человеком глаголющу о Тебе Пилату: «Се, человек». Придите убо, поруганному нас ради Иисусу поклонимся, вопиюще:
Иисусе, Творче и Судие всех, от твари Своея судимый и мучимый;
Иисусе, премудрости Подателю, ответа безумным не давый.
Иисусе, Врачу уязвленных грехами, даждь ми врачевство покаяния;
Иисусе, Пастырю пораженный, порази бесов, искушающих мя.
Иисусе, плоть имый сокрушенну, сокруши сердце мое страхом Твоим;
Иисусе, Сыне Божий, помяни нас, егда приидеши во Царствии Твоем.
Кондак 7
Хотяй человека от работы вражия избавити, смирил еси Себе пред враги Твоими, Иисусе, и, яко агнец безгласен на заколение веден был еси, везде язвы терпяй, да всего исцелиши человека, зовуща: Аллилуиа.
Икос 7
Дивное показал еси долготерпение, егда воини, ругающеся Тебе, по глаголу неправеднаго судии, лютейшими ранами уязвляху Пречистое Тело Твое, яко обагритися ему от ног до главы кровию. Сего ради со слезами вопием Ти:
Иисусе человеколюбивый, от человек тернием увенчанный;
Иисусе, Божеством безстрастный, страсти терпяй, да нас от страстей свободиши.
Иисусе, Спасе мой, спаси мя, повиннаго всем мукам;
Иисусе, всеми оставленный, Утверждение мое, утверди мя.
Иисусе, от всех оскорбленный, Радосте моя, возвесели мя:
Иисусе, Сыне Божий, помяни нас, егда приидеши во Царствии Твоем.
Кондак 8
Дивно и странно явистася Тебе Моисей и Илия на Фаворе, глаголюща о исходе Твоем, егоже ныне скончаваеши во Иерусалиме. Тамо убо видевша славу Твою, зде же спасение наше узревша, зовут: Аллилуиа.
Икос 8
Везде от иудей гонимый, многия, ради множества грехов моих, претерпел еси поношения и муки: едини бо Тя противна быти кесарю глаголют, друзии яко злодея осуждают, инии же: «Возми, возми и распни», — вопиют. От всех убо осужденному, и на пропятие ведомому, Тебе, Господу, из глубины души глаголем:
Иисусе, неправедно осужденный, Судие наш, не осуди нас по делом нашим;
Иисусе, изнемогаяй на пути под Крестом, сило моя, в час скорби и озлобления моего не остави мене.
Иисусе, взываяй о помощи к Отцу, Подвигоположниче мой, в немощи моей укрепи мя;
Иисусе, безчестие приемый, Славо моя, от Славы Твоея не отрини мене.
Иисусе, Образе Пресветлыя Ипостаси Отчия, преобрази мое нечистое и мрачное житие;
Иисусе, Сыне Божий, помяни нас, егда приидеши во Царствии Твоем.
Кондак 9
Все естество смятеся, зря Тебе на Кресте повешена, на небеси солнце лучи своя скры, земля потрясеся, завеса храма раздрася, камение распадеся, ад умерших изверже: мы же покланяемся на месте, идеже стоясте пречистеи нозе Твои, поюще: Аллилуиа.
Икос 9
Ветия многовещанныя, аще и много глаголют, но не могут достойнаго благодарения воздати Божественным страстем Твоим, Человеколюбче: наша же душа и тело, сердце и вси составы, со умилением к Тебе взывают:
Иисусе, пригвождейся на Кресте, пригвозди и упраздни рукописание грехов наших;
Иисусе, руце со Креста простираяй ко всем, привлецы и мя, заблудшаго.
Иисусе, Двере овцам, в ребра прободенный, введи мя язвами Твоими в чертог Твой;
Иисусе, Плотию распятый, распни плоть мою со страстьми и похотьми.
Иисусе, скончаваяйся в муках, даждь ми, да сердце мое не судит ино что ведети, точию Тебе распята;
Иисусе, Сыне Божий, помяни нас, егда приидеши во Царствии Твоем.
Кондак 10
Спасти хотяй мир, слепых, хромых, прокаженных, немых и глухих исцелил еси, духов лукавых отгнал еси; неразумнии же иудее, злобою дышуще и завистию мучими, пригвоздиша Тя ко Кресту, не ведуще пети: Аллилуиа.
Икос 10
Царю Превечный, Иисусе, весь страждеши за мое невоздержание, да всего мя чиста сотвориши, во всем образ нам подаяй, да последуем стопам Твоим, зовуще:
Иисусе, Любы неизследимая, распеншим Тя греха не поставивый;
Иисусе, с воплем крепким и со слезами в вертограде моляйся, научи и нас молитися.
Иисусе, вся пророчествия о Тебе исполнивый, исполни во благих желания сердца нашего;
Иисусе, дух Твой в руце Отцу предавый, в час исхода моего приими дух мой.
Иисусе, ризы Твоя разделити не возбранивый, кротко душу мою от тела отдели;
Иисусе, Сыне Божий, помяни нас, егда приидеши во Царствии Твоем.
Кондак 11
Пение всеумиленное приношаше Тебе Всенепорочная Матерь Твоя, глаголющи: «Аще и страждеши на Кресте, но вем Тя из чрева прежде денницы от Отца рожденна, вижду бо, яко тварь вся состраждет Тебе; предаеши дух Твой Отцу, и Мой дух приими и не остави Мене, зовущую: Аллилуиа».
Икос 11
Яко светоприемная свеща, у Креста Твоего горяше любовию к Тебе, и Матернею Дева Пренепорочная обдержашеся болезнию, заходящу Тебе во гроб истинному Солнцу Правды, с Неюже и сердца нашего молитвы приими сицевыя:
Иисусе, вознесыйся на древо, да нас, падших, совознесеши ко Отцу Своему;
Иисусе, девственнику Приснодеву в Матерь даровавый, да нас девству и чистоте научиши.
Иисусе, Тебе, Бога Слова рождшей, ученика Богослова вручивый, вручи и нас всех Ея Матернему заступлению;
Иисусе, мира и ада победителю, победи неверие, гордость житейскую и похоть очес, в нас живущия.
Иисусе, смерти державы разрушителю, вечныя смерти избави мя;
Иисусе, Сыне Божий, помяни нас, егда приидеши во Царствии Твоем.
Кондак 12
Благодать Твою подаждь мне, Иисусе, Боже мой, приими мя, якоже приял еси Иосифа с Никодимом, да, яко чистую плащаницу, душу мою принесу Тебе и вонями добродетелей помажу Пречистое Тело Твое, и, яко во гробе, в сердце моем имею Тя, зовый: Аллилуиа.
Икос 12
Поюще Твое вольное распятие, покланяемся страстем Твоим, Христе, веруем с сотником, яко воистинну Божий Сын еси, приити имеяй на облацех с силою и славою многою; тогда убо не посрами нас, Кровию Твоею искупленных и тако вопиющих:
Иисусе многострадальный, рыданием Девы Матере Твоея вечнаго плача исхити ны;
Иисусе, от всех оставленный, не остави мя единаго в час смерти моея.
Иисусе, с Магдалиною ногам Твоим касающася, приими мя;
Иисусе, с предателем и распеншими Тя не осуди мене.
Иисусе, с разбойником благоразумным в рай введи мя;
Иисусе, Сыне Божий, помяни нас, егда приидеши во Царствии Твоем.
Кондак 13
О Иисусе Христе, Агнче Божий, вземляй грехи мира, приими малое сие от всея души нашея приносимое Тебе благодарение и исцели ны спасительными Твоими страданьми от всякия болезни душевныя и телесныя, огради ны Крестом Твоим от враг видимых и невидимых и при кончине живота нашего не остави нас, да смертию Твоею избавльшеся вечныя смерти, выну зовем Тебе: Аллилуиа.
Этот кондак читается трижды, затем 1-й икос «Ангелов ликостояние…» и 1-й кондак «Взбранный Воеводо…»:
Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.
Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.
МОЛИТВА КО ГОСПОДУ ИИСУСУ РАСПЯТОМУ
На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.
МОЛИТВА ИНАЯ КО ГОСПОДУ ИИСУСУ РАСПЯТОМУ
Господи Иисусе Христе, Сыне Бога живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалях, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, человеколюбче, о всех, яже пострадал еси мене ради грешнаго; не вем, душа бо и тело, и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим и, вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой святый, да причащаяся зде с верою страданиям Твоим, сподоблюся видети и славу Царствия Твоего на небеси! Аминь.
Акафист Страстем Христовым читается во время великопостного богослужения, называемого «пассия». Пассия — это особый чин службы воспоминаний гефсиманских и голгофских страданий нашего Господа и Спасителя Иисуса Христа. По акафисте читается Евангелие, повествующее о страстях Христовых, откуда, собственно, и явилось название пассии (лат. раssiо — страдание, страсть). Чин этот, установленный на Руси митрополитом Петром Могилой и совершаемый в наше время Великим постом в неделю вечера, приобрел особую любовь православного народа. И это не удивительно — ведь в нем с благоговейным трепетом говорится о страданиях и мучениях Невинного — за грешных, Чистого — за нечистых, Сына Божия — за падших людей. Христос Спаситель за всех грешников принял позорнейшие страдания и смерть. На Кресте была принесена жертва умилостивления (Рим. 3, 25) за каждого из нас. И читая этот акафист, вызывающий в наших сердцах священные воспоминания тех отдаленных дней, будем помнить слова Господа, сказанные в Гефсимании апостолам: «Бдите и молитесь, да не внидете в напасть» (Мф. 26, 41).
Акафист Страстем Христовым
(MP3 файл. Продолжительность 29:43 мин. Размер 14.3 Mb)
Кондак 1
Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.
Икос 1
Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.
Кондак 2
Видев Тя Ангел в вертограде Гефсиманстем до пота кровава в молитве подвизающаяся, представ укрепляше Тя, егда яко бремя тяжкое грехи наши отяготеша на Тебе: ты бо, Адама погибшаго на рамо восприим, Отцу представил еси, преклонь колена моляся. О сем убо с верою и любовию пою Тебе: Аллилуиа.
Икос 2
Разума неуразуменна вольнаго Твоего страдания не уразумеша иудее: сего ради егда в нощи со светильники ищущим Тя рекл еси: Аз есмь, аще и падоша на земли, но по сем связавше Тя, ведоша на судище; мы же на сем пути, припадающе к Тебе, с любовию зовем:
Иисусе, Свете мира, от мира лукаваго возненавиденный;
Иисусе, живый во Свете Неприступнем, от области темныя ятый.
Иисусе, Сыне Божий Безсмертный, от сына погибели на смерть указанный;
Иисусе, в Немже льсти несть, от предателя лестию лобзанный.
Иисусе, туне Себе всем подаваяй, за сребреники проданный;
Иисусе, Сыне Божий, помяни нас, егда приидеши во Царствии Твоем.
Кондак 3
Силою Божества Твоего прорекл еси трикратное отвержение ученику. Он же посем, аще и отречеся Тебе с клятвою, обаче, егда узре Тя во дворе архиерейстем, Господа своего и Учителя, умилився сердцем, изшед вон плакася горько: «Призри убо и на мя, Господи, и порази жестокое сердце мое, да слезами моими омыю грехи моя, поя Тебе: Аллилуиа».
Икос 3
Имеяй воистинну власть по чину Мелхиседекову, яко Архиерей во веки, стал еси пред беззаконным первосвященником Каиафою, Владыка и Господь всех; от Твоих убо рабов приявый мучение, приими от нас сицевая:
Иисусе безценный, ценою купленный, стяжи мя в Твое вечное наследие;
Иисусе, желание всех, от Петра страха ради отверженный, не отвержи мя, грешнаго.
Иисусе, Агнче незлобиве, от лютых вепрей терзаемый, изми мя от враг моих;
Иисусе, Архиерею, Своею Кровию вшедый во Святая Святых, очисти мя от скверн плотских.
Иисусе связанный, имеяй власть вязати и решити, разреши моя тяжкая прегрешения;
Иисусе, Сыне Божий, помяни нас, егда приидеши во Царствии Твоем.
Кондак 4
Бурею христоубийства дышуще иудее, послушавше глас отца лжи и человекоубийцы искони, диавола, отвергоша Тебе, правый Путь, Истину и Живот; мы же Тя, Христа, Божию силу, в Немже вся сокровища премудрости и разума сокровена суть, исповедуя, вопием: Аллилуиа.
Икос 4
Слыша Пилат кроткия Твоя глаголы, аки достойнаго смерти предаде Тя на пропятие, аще и сам свидетельствоваше, яко ни единыя вины обрете в Тебе: руце убо свои умы, но сердце оскверни; мы же, чудящеся тайне вольнаго страдания Твоего, со умилением зовем:
Иисусе, Сыне Божий и Сыне Девы, от сынов беззакония умученный;
Иисусе, поруганный и обнаженный, даяй лепоту крином сельным и одеваяй небо облаки.
Иисусе, насыщенный ранами, пятию хлебы пять тысящ насытивый;
Иисусе, Царю всех, вместо дани любве и благодарения жестокия муки приемый.
Иисусе, нас ради весь день язвленный, уврачуй язвы душ наших;
Иисусе, Сыне Божий, помяни нас, егда приидеши во Царствии Твоем.
Кондак 5
Боготочною Кровию Твоею весь облеклся еси, одеяйся светом, яко ризою. Вем, воистинну вем со пророком, почто червлены ризы Твоя: аз, Господи, аз грехами моими уязвих Тя: Тебе убо, мене ради уязвленному, благодарственно зову: Аллилуиа.
Икос 5
Провидев Тя в дусе Богоглаголивый Исаия, безчестием и ранами исполненна, ужасся вопияше: «Видехом Его, и не имеяше вида, ни доброты»; мы же, зряще Тя на Кресте, с верою и удивлением зовем:
Иисусе, безчестие терпяй, человека славою и честию венчавый;
Иисусе, на Негоже Ангели зрети не могут, по ланитома заушенный.
Иисусе, по главе тростию ударенный, преклони во смирение главу мою;
Иисусе, светлая Твоя очеса кровию омраченная имевый, отврати очи моя, еже не видети суеты.
Иисусе, от ног до главы не имевый целости, всего цела и здрава сотвори мя;
Иисусе, Сыне Божий, помяни нас, егда приидеши во Царствии Твоем.
Кондак 6
Проповедник Твоего незлобия явлься Пилат, показа народу ничтоже быти в Тебе достойно смерти; но иудее, яко звери дивии кровь узревше, скрежетаху на Тя зубы своими, «распни, распни Его», вопиюще; мы же, лобызающе пречистыя язвы Твоя, зовем: Аллилуиа.
Икос 6
Возсиял еси в позор и удивление Ангелом и человеком глаголющу о Тебе Пилату: «Се, человек». Придите убо, поруганному нас ради Иисусу поклонимся, вопиюще:
Иисусе, Творче и Судие всех, от твари Своея судимый и мучимый;
Иисусе, премудрости Подателю, ответа безумным не давый.
Иисусе, Врачу уязвленных грехами, даждь ми врачевство покаяния;
Иисусе, Пастырю пораженный, порази бесов, искушающих мя.
Иисусе, плоть имый сокрушенну, сокруши сердце мое страхом Твоим;
Иисусе, Сыне Божий, помяни нас, егда приидеши во Царствии Твоем.
Кондак 7
Хотяй человека от работы вражия избавити, смирил еси Себе пред враги Твоими, Иисусе, и, яко агнец безгласен на заколение веден был еси, везде язвы терпяй, да всего исцелиши человека, зовуща: Аллилуиа.
Икос 7
Дивное показал еси долготерпение, егда воини, ругающеся Тебе, по глаголу неправеднаго судии, лютейшими ранами уязвляху Пречистое Тело Твое, яко обагритися ему от ног до главы кровию. Сего ради со слезами вопием Ти:
Иисусе человеколюбивый, от человек тернием увенчанный;
Иисусе, Божеством безстрастный, страсти терпяй, да нас от страстей свободиши.
Иисусе, Спасе мой, спаси мя, повиннаго всем мукам;
Иисусе, всеми оставленный, Утверждение мое, утверди мя.
Иисусе, от всех оскорбленный, Радосте моя, возвесели мя:
Иисусе, Сыне Божий, помяни нас, егда приидеши во Царствии Твоем.
Кондак 8
Дивно и странно явистася Тебе Моисей и Илия на Фаворе, глаголюща о исходе Твоем, егоже ныне скончаваеши во Иерусалиме. Тамо убо видевша славу Твою, зде же спасение наше узревша, зовут: Аллилуиа.
Икос 8
Везде от иудей гонимый, многия, ради множества грехов моих, претерпел еси поношения и муки: едини бо Тя противна быти кесарю глаголют, друзии яко злодея осуждают, инии же: «Возми, возми и распни», — вопиют. От всех убо осужденному, и на пропятие ведомому, Тебе, Господу, из глубины души глаголем:
Иисусе, неправедно осужденный, Судие наш, не осуди нас по делом нашим;
Иисусе, изнемогаяй на пути под Крестом, сило моя, в час скорби и озлобления моего не остави мене.
Иисусе, взываяй о помощи к Отцу, Подвигоположниче мой, в немощи моей укрепи мя;
Иисусе, безчестие приемый, Славо моя, от Славы Твоея не отрини мене.
Иисусе, Образе Пресветлыя Ипостаси Отчия, преобрази мое нечистое и мрачное житие;
Иисусе, Сыне Божий, помяни нас, егда приидеши во Царствии Твоем.
Кондак 9
Все естество смятеся, зря Тебе на Кресте повешена, на небеси солнце лучи своя скры, земля потрясеся, завеса храма раздрася, камение распадеся, ад умерших изверже: мы же покланяемся на месте, идеже стоясте пречистеи нозе Твои, поюще: Аллилуиа.
Икос 9
Ветия многовещанныя, аще и много глаголют, но не могут достойнаго благодарения воздати Божественным страстем Твоим, Человеколюбче: наша же душа и тело, сердце и вси составы, со умилением к Тебе взывают:
Иисусе, пригвождейся на Кресте, пригвозди и упраздни рукописание грехов наших;
Иисусе, руце со Креста простираяй ко всем, привлецы и мя, заблудшаго.
Иисусе, Двере овцам, в ребра прободенный, введи мя язвами Твоими в чертог Твой;
Иисусе, Плотию распятый, распни плоть мою со страстьми и похотьми.
Иисусе, скончаваяйся в муках, даждь ми, да сердце мое не судит ино что ведети, точию Тебе распята;
Иисусе, Сыне Божий, помяни нас, егда приидеши во Царствии Твоем.
Кондак 10
Спасти хотяй мир, слепых, хромых, прокаженных, немых и глухих исцелил еси, духов лукавых отгнал еси; неразумнии же иудее, злобою дышуще и завистию мучими, пригвоздиша Тя ко Кресту, не ведуще пети: Аллилуиа.
Икос 10
Царю Превечный, Иисусе, весь страждеши за мое невоздержание, да всего мя чиста сотвориши, во всем образ нам подаяй, да последуем стопам Твоим, зовуще:
Иисусе, Любы неизследимая, распеншим Тя греха не поставивый;
Иисусе, с воплем крепким и со слезами в вертограде моляйся, научи и нас молитися.
Иисусе, вся пророчествия о Тебе исполнивый, исполни во благих желания сердца нашего;
Иисусе, дух Твой в руце Отцу предавый, в час исхода моего приими дух мой.
Иисусе, ризы Твоя разделити не возбранивый, кротко душу мою от тела отдели;
Иисусе, Сыне Божий, помяни нас, егда приидеши во Царствии Твоем.
Кондак 11
Пение всеумиленное приношаше Тебе Всенепорочная Матерь Твоя, глаголющи: «Аще и страждеши на Кресте, но вем Тя из чрева прежде денницы от Отца рожденна, вижду бо, яко тварь вся состраждет Тебе; предаеши дух Твой Отцу, и Мой дух приими и не остави Мене, зовущую: Аллилуиа».
Икос 11
Яко светоприемная свеща, у Креста Твоего горяше любовию к Тебе, и Матернею Дева Пренепорочная обдержашеся болезнию, заходящу Тебе во гроб истинному Солнцу Правды, с Неюже и сердца нашего молитвы приими сицевыя:
Иисусе, вознесыйся на древо, да нас, падших, совознесеши ко Отцу Своему;
Иисусе, девственнику Приснодеву в Матерь даровавый, да нас девству и чистоте научиши.
Иисусе, Тебе, Бога Слова рождшей, ученика Богослова вручивый, вручи и нас всех Ея Матернему заступлению;
Иисусе, мира и ада победителю, победи неверие, гордость житейскую и похоть очес, в нас живущия.
Иисусе, смерти державы разрушителю, вечныя смерти избави мя;
Иисусе, Сыне Божий, помяни нас, егда приидеши во Царствии Твоем.
Кондак 12
Благодать Твою подаждь мне, Иисусе, Боже мой, приими мя, якоже приял еси Иосифа с Никодимом, да, яко чистую плащаницу, душу мою принесу Тебе и вонями добродетелей помажу Пречистое Тело Твое, и, яко во гробе, в сердце моем имею Тя, зовый: Аллилуиа.
Икос 12
Поюще Твое вольное распятие, покланяемся страстем Твоим, Христе, веруем с сотником, яко воистинну Божий Сын еси, приити имеяй на облацех с силою и славою многою; тогда убо не посрами нас, Кровию Твоею искупленных и тако вопиющих:
Иисусе многострадальный, рыданием Девы Матере Твоея вечнаго плача исхити ны;
Иисусе, от всех оставленный, не остави мя единаго в час смерти моея.
Иисусе, с Магдалиною ногам Твоим касающася, приими мя;
Иисусе, с предателем и распеншими Тя не осуди мене.
Иисусе, с разбойником благоразумным в рай введи мя;
Иисусе, Сыне Божий, помяни нас, егда приидеши во Царствии Твоем.
Кондак 13
О Иисусе Христе, Агнче Божий, вземляй грехи мира, приими малое сие от всея души нашея приносимое Тебе благодарение и исцели ны спасительными Твоими страданьми от всякия болезни душевныя и телесныя, огради ны Крестом Твоим от враг видимых и невидимых и при кончине живота нашего не остави нас, да смертию Твоею избавльшеся вечныя смерти, выну зовем Тебе: Аллилуиа.
Этот кондак читается трижды, затем 1-й икос «Ангелов ликостояние…» и 1-й кондак «Взбранный Воеводо…»:
Икос 1
Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.
Кондак 1
Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.
МОЛИТВА КО ГОСПОДУ ИИСУСУ РАСПЯТОМУ
На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.
МОЛИТВА ИНАЯ КО ГОСПОДУ ИИСУСУ РАСПЯТОМУ
Господи Иисусе Христе, Сыне Бога живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалях, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, человеколюбче, о всех, яже пострадал еси мене ради грешнаго; не вем, душа бо и тело, и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим и, вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой святый, да причащаяся зде с верою страданиям Твоим, сподоблюся видети и славу Царствия Твоего на небеси! Аминь.
Акафист Страстем Христовым читается во время великопостного богослужения, называемого «пассия». Пассия — это особый чин службы воспоминаний гефсиманских и голгофских страданий нашего Господа и Спасителя Иисуса Христа. По акафисте читается Евангелие, повествующее о страстях Христовых, откуда, собственно, и явилось название пассии (лат. раssiо — страдание, страсть). Чин этот, установленный на Руси митрополитом Петром Могилой и совершаемый в наше время Великим постом в неделю вечера, приобрел особую любовь православного народа. И это не удивительно — ведь в нем с благоговейным трепетом говорится о страданиях и мучениях Невинного — за грешных, Чистого — за нечистых, Сына Божия — за падших людей. Христос Спаситель за всех грешников принял позорнейшие страдания и смерть. На Кресте была принесена жертва умилостивления (Рим. 3, 25) за каждого из нас. И читая этот акафист, вызывающий в наших сердцах священные воспоминания тех отдаленных дней, будем помнить слова Господа, сказанные в Гефсимании апостолам: «Бдите и молитесь, да не внидете в напасть» (Мф. 26, 41).
Версия для печати
Аудио:
Конда́к 1
Взбра́нный Воево́до и Го́споди Небесе́ и земли́, Тебе́, Царя́ Безсме́ртнаго, зря́щи на Кресте́ ви́сяща, вся́ тва́рь измени́ся, не́бо ужасе́ся, основа́ния земли́ восколеба́шася. Мы́ же, недосто́йнии, благода́рственное поклоне́ние Твоему́ на́с ра́ди страда́нию принося́ще, с разбо́йником вопие́м Ти́:
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
И́кос 1
А́нгелов ликостоя́ния восполня́я, не от А́нгел восприя́л еси́, но мене́ ра́ди, Бо́г сы́й, челове́к бы́в, челове́ка уме́рша грехми́ животворя́щим Те́лом и Кро́вию Твое́ю оживи́л еси́; те́мже, толи́цей любви́ Твое́й благода́рни су́ще, вопие́м Ти́:
Иису́се Бо́же, Любы́ Предве́чная, та́ко о на́с, земноро́дных, возблаговоли́вый;
Иису́се, ми́лосте безме́рная, к челове́ком па́дшим до́лу низше́дый.
Иису́се, в пло́ть на́шу оболки́йся, и сме́ртию Свое́ю сме́рти держа́ву разруши́вый;
Иису́се, Боже́ственными Твои́ми Та́йнами на́с обожи́вый.
Иису́се, страда́ньми и Кресто́м Твои́м ве́сь ми́р искупи́вый;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 2
Ви́дев Тя́ А́нгел в вертогра́де Гефсимани́йстем до по́та крова́ва в моли́тве подвиза́ющася, предста́в укрепля́ше Тя́, егда́ я́ко бре́мя тя́жкое грехи́ на́ши отяготе́ша на Тебе́: ты́ бо, Ада́ма поги́бшаго на ра́мо восприи́м, Отцу́ предста́вил еси́, прекло́нь коле́на моля́ся. О се́м у́бо с ве́рою и любо́вию пою́ Тебе́: Аллилу́иа.
И́кос 2
Ра́зума неуразуме́нна во́льнаго Твоего́ страда́ния не уразуме́ша иуде́е: сего́ ра́ди егда́ в нощи́ со свети́льники и́щущим Тя́ ре́кл еси́: А́з е́смь, а́ще и падо́ша на земли́, но по се́м связа́вше Тя́, ведо́ша на суди́ще; мы́ же на се́м пути́, припа́дающе к Тебе́, с любо́вию зове́м:
Иису́се, Све́те ми́ра, от ми́ра лука́ваго возненави́денный;
Иису́се, живы́й во Све́те Непристу́пнем, от о́бласти те́мныя я́тый.
Иису́се, Сы́не Бо́жий Безсме́ртный, от сы́на поги́бели на сме́рть ука́занный;
Иису́се, в Не́мже льсти́ не́сть, от преда́теля ле́стию лобза́нный.
Иису́се, ту́не Себе́ все́м подава́яй, за сре́бреники про́данный;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 3
Си́лою Божества́ Твоего́ проре́кл еси́ трикра́тное отверже́ние ученику́. О́н же посе́м, а́ще и отрече́ся Тебе́ с кля́твою, оба́че, егда́ узре́ Тя́ во дворе́ архиере́йстем, Го́спода своего́ и Учи́теля, умили́вся се́рдцем, изше́д во́н пла́кася го́рько: «При́зри у́бо и на мя́, Го́споди, и порази́ жесто́кое се́рдце мое́, да слеза́ми мои́ми омы́ю грехи́ моя́, поя́ Тебе́: Аллилу́иа».
И́кос 3
Име́яй вои́стинну вла́сть по чи́ну Мелхиседе́кову, я́ко Архиере́й во ве́ки, ста́л еси́ пред беззако́нным первосвяще́нником Каиа́фою, Влады́ка и Госпо́дь все́х; от Твои́х у́бо рабо́в прия́вый муче́ние, приими́ от на́с сицева́я:
Иису́се безце́нный, цено́ю ку́пленный, стяжи́ мя в Твое́ ве́чное насле́дие;
Иису́се, жела́ние все́х, от Петра́ стра́ха ра́ди отве́рженный, не отве́ржи мя́, гре́шнаго.
Иису́се, А́гнче незло́биве, от лю́тых ве́прей терза́емый, изми́ мя от вра́г мои́х;
Иису́се, Архиере́ю, Свое́ю Кро́вию вше́дый во Свята́я Святы́х, очи́сти мя́ от скве́рн плотски́х.
Иису́се свя́занный, име́яй вла́сть вяза́ти и реши́ти, разреши́ моя́ тя́жкая прегреше́ния;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 4
Бу́рею христоуби́йства ды́шуще иуде́е, послу́шавше гла́са отца́ лжи́ и человекоуби́йцы искони́, диа́вола, отверго́ша Тебе́, пра́вый Пу́ть, И́стину и Живо́т; мы́ же Тя́, Христа́, Бо́жию си́лу, в Не́мже вся́ сокро́вища прему́дрости и ра́зума сокрове́на су́ть, испове́дующе, вопие́м: Аллилу́иа.
И́кос 4
Слы́ша Пила́т кро́ткия Твоя́ глаго́лы, а́ки досто́йнаго сме́рти предаде́ Тя на пропя́тие, а́ще и са́м свиде́тельствоваше, я́ко ни еди́ныя вины́ обре́те в Тебе́: ру́це у́бо свои́ умы́, но се́рдце оскверни́; мы́ же, чудя́щеся та́йне во́льнаго страда́ния Твоего́, со умиле́нием зове́м:
Иису́се, Сы́не Бо́жий и Сы́не Де́вы, от сыно́в беззако́ния уму́ченный;
Иису́се, пору́ганный и обнаже́нный, дая́й ле́поту кри́ном се́льным и одева́яй не́бо о́блаки.
Иису́се, насыще́нный ра́нами, пятию́ хле́бы пя́ть ты́сящ насы́тивый;
Иису́се, Царю́ все́х, вме́сто да́ни любве́ и благодаре́ния жесто́кия му́ки прие́мый.
Иису́се, на́с ра́ди ве́сь де́нь я́звленный, уврачу́й я́звы ду́ш на́ших;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 5
Богото́чною Кро́вию Твое́ю ве́сь обле́клся еси́, одея́йся све́том, я́ко ри́зою. Ве́м, вои́стину ве́м со проро́ком, почто́ червле́ны ри́зы Твоя́: а́з, Го́споди, а́з греха́ми мои́ми уязви́х Тя́: Тебе́ у́бо, мене́ ра́ди уя́звленному, благода́рственно зову́: Аллилу́иа.
И́кос 5
Прови́дев Тя́ в ду́се Богоглаго́ливый Иса́ия, безче́стием и ра́нами испо́лненна, ужа́сся вопия́ше: «Ви́дехом Его́, и не име́яше ви́да, ни добро́ты»; мы́ же, зря́ще Тя́ на Кресте́, с ве́рою и удивле́нием зове́м:
Иису́се, безче́стие терпя́й, челове́ка сла́вою и че́стию венча́вый;
Иису́се, на Него́же А́нгели зре́ти не мо́гут, по лани́тома зауше́нный.
Иису́се, по главе́ тро́стию ударе́нный, преклони́ во смире́ние главу́ мою́;
Иису́се, све́тлая Твоя́ очеса́ кро́вию омраче́нная име́вый, отврати́ о́чи моя́, е́же не ви́дети суеты́.
Иису́се, от но́г до главы́ не име́вый це́лости, всего́ це́ла и здра́ва сотвори́ мя́;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 6
Пропове́дник Твоего́ незло́бия я́влься Пила́т, показа́ наро́ду ничто́же бы́ти в Тебе́ досто́йно сме́рти; но иуде́е, я́ко зве́рие ди́вии кро́вь узре́вше, скрежета́ху на Тя́ зубы́ свои́ми, «распни́, распни́ Его́», вопию́ще; мы́ же, лобыза́юще пречи́стыя я́звы Твоя́, зове́м: Аллилу́иа.
И́кос 6
Возсия́л еси́ в позо́р и удивле́ние А́нгелом и челове́ком глаго́лющу о Тебе́ Пила́ту: «Се́, челове́к». Прииди́те у́бо, пору́ганному на́с ра́ди Иису́су поклони́мся, вопию́ще:
Иису́се, Тво́рче и Судие́ все́х, от тва́ри Своея́ суди́мый и му́чимый;
Иису́се, прему́дрости Пода́телю, отве́та безу́мным не да́вый.
Иису́се, Врачу́ уя́звленных грехми́, да́ждь ми́ врачевство́ покая́ния;
Иису́се, Па́стырю пораже́нный, порази́ бесо́в, искуша́ющих мя́.
Иису́се, пло́ть имы́й сокруше́нну, сокруши́ се́рдце мое́ стра́хом Твои́м;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 7
Хотя́й челове́ка от рабо́ты вра́жия изба́вити, смири́л еси́ Себе́ пред враги́ Твои́ми, Иису́се, и, я́ко а́гнец безгла́сен на заколе́ние веде́н бы́л еси́, везде́ я́звы терпя́й, да всего́ исцели́ши челове́ка, зову́ща: Аллилу́иа.
И́кос 7
Ди́вное показа́л еси́ долготерпе́ние, егда́ во́ини, руга́ющеся Тебе́, по глаго́лу непра́веднаго судии́, люте́йшими ра́нами уязвля́ху Пречи́стое Те́ло Твое́, я́ко обагри́тися ему́ от но́г до главы́ кро́вию. Сего́ ра́ди со слеза́ми вопие́м Ти́:
Иису́се человеколюби́вый, от челове́к те́рнием увенча́нный;
Иису́се, Божество́м безстра́стный, стра́сти терпя́й, да на́с от страсте́й свободи́ши.
Иису́се, Спа́се мо́й, спаси́ мя, пови́ннаго все́м му́кам;
Иису́се, все́ми оста́вленный, Утвержде́ние мое́, утверди́ мя.
Иису́се, от все́х оскорбле́нный, Ра́досте моя́, возвесели́ мя:
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 8
Ди́вно и стра́нно яви́стася Тебе́ Моисе́й и Илия́ на Фаво́ре, глаго́люща о исхо́де Твое́м, его́же ны́не скончава́еши во Иерусали́ме. Та́мо у́бо ви́девша сла́ву Твою́, зде́ же спасе́ние на́ше узре́вше, зову́т: Аллилу́иа.
И́кос 8
Везде́ от иуде́й гони́мый, мно́гия, ра́ди мно́жества грехо́в мои́х, претерпе́л еси́ поноше́ния и му́ки: еди́ни бо Тя́ проти́вна бы́ти ке́сарю глаго́лют, друзи́и я́ко злоде́я осужда́ют, ини́и же: «Возми́, возми́ и распни́», — вопию́т. От все́х у́бо осужде́нному, и на пропя́тие ведо́мому, Тебе́, Го́споду, из глубины́ души́ глаго́лем:
Иису́се, непра́ведно осужде́нный, Судие́ на́ш, не осуди́ на́с по дело́м на́шим;
Иису́се, изнемога́яй на пути́ под Кресто́м, си́ло моя́, в ча́с ско́рби и озлобле́ния моего́ не оста́ви мене́.
Иису́се, взыва́яй о по́мощи ко Отцу́, Подвигополо́жниче мо́й, в не́мощи мое́й укрепи́ мя;
Иису́се, безче́стие прие́мый, Сла́во моя́, от Сла́вы Твоея́ не отри́ни мене́.
Иису́се, О́бразе Пресве́тлыя Ипоста́си О́тчия, преобрази́ мое́ нечи́стое и мра́чное житие́;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 9
Все́ естество́ смяте́ся, зря́ Тебе́ на Кресте́ пове́шена, на небеси́ со́лнце лучи́ своя́ скры́, земля́ потрясе́ся, заве́са хра́ма раздра́ся, ка́мение распаде́ся, а́д уме́рших изве́рже: мы́ же покланя́емся на ме́сте, иде́же стоя́сте пречи́стеи но́зе Твои́, пою́ще: Аллилу́иа.
И́кос 9
Вети́я многовеща́ннии, а́ще и мно́го глаго́лют, но не мо́гут досто́йнаго благодаре́ния возда́ти Боже́ственным страсте́м Твои́м, Человеколю́бче: на́ша же душа́ и те́ло, се́рдце и вся́ соста́вы, со умиле́нием к Тебе́ взыва́ют:
Иису́се, пригвожде́йся на Кресте́, пригвозди́ и упраздни́ рукописа́ние грехо́в на́ших;
Иису́се, ру́це со Креста́ простира́яй ко все́м, привлецы́ и мя́, заблу́ждшаго.
Иису́се, Две́ре овца́м, в ре́бра прободе́нный, введи́ мя я́звами Твои́ми в черто́г Тво́й;
Иису́се, Пло́тию распя́тый, распни́ пло́ть мою́ со страстьми́ и похотьми́.
Иису́се, скончава́яйся в му́ках, да́ждь ми́, да се́рдце мое́ не су́дит и́но что́ ве́дети, то́чию Тебе́ ра́спята;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 10
Спасти́ хотя́й ми́р, слепы́х, хромы́х, прокаже́нных, немы́х и глухи́х исцели́л еси́, духо́в лука́вых отгна́л еси́; неразу́мнии же иуде́е, зло́бою ды́шуще и за́вистию му́чими, пригвозди́ша Тя́ ко Кресту́, не ве́дуще пе́ти: Аллилу́иа.
И́кос 10
Царю́ Преве́чный, Иису́се, ве́сь стра́ждеши за мое́ невоздержа́ние, да всего́ мя́ чи́ста сотвори́ши, во все́м о́браз на́м подая́й, да после́дуем стопа́м Твои́м, зову́ще:
Иису́се, Любы́ неизсле́димая, распе́ншим Тя́ греха́ не поста́вивый;
Иису́се, с во́плем кре́пким и со слеза́ми в вертогра́де моля́йся, научи́ и на́с моли́тися.
Иису́се, вся́ проро́чествия о Тебе́ испо́лнивый, испо́лни во благи́х жела́ния се́рдца на́шего;
Иису́се, ду́х Тво́й в ру́це Отцу́ преда́вый, в ча́с исхо́да моего́ приими́ ду́х мо́й.
Иису́се, ри́зы Твоя́ раздели́ти не возбрани́вый, кро́тко ду́шу мою́ от те́ла отдели́;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 11
Пе́ние всеумиле́нное приноша́ше Тебе́ Всенепоро́чная Ма́терь Твоя́, глаго́люще: «А́ще и стра́ждеши на Кресте́, но ве́м Тя́ из чре́ва пре́жде денни́цы от Отца́ рожде́нна, ви́жду бо, я́ко тва́рь вся́ состра́ждет Тебе́; предае́ши ду́х Тво́й Отцу́, и Мо́й ду́х приими́ и не оста́ви Мене́, зову́щую: Аллилу́иа».
И́кос 11
Я́ко светоприе́мная свеща́, у Креста́ Твоего́ горя́ще любо́вию к Тебе́, и Ма́тернею Де́ва Пренепоро́чная обдержа́шеся боле́знию, заходя́щу Тебе́ во гро́б и́стинному Со́лнцу Пра́вды, с Не́юже и се́рдца на́шего моли́твы приими́ сицевы́я:
Иису́се, вознесы́йся на дре́во, да на́с, па́дших, совознесе́ши ко Отцу́ Своему́;
Иису́се, де́вственнику Присноде́ву в Ма́терь дарова́вый, да на́с де́вству и чистоте́ научи́ши.
Иису́се, Тебе́, Бо́га Сло́ва ро́ждшей, ученика́ Богосло́ва вручи́вый, вручи́ и на́с все́х Ея́ Ма́тернему заступле́нию;
Иису́се, ми́ра и а́да победи́телю, победи́ неве́рие, го́рдость жите́йскую и по́хоть оче́с, в на́с живу́щия.
Иису́се, сме́рти держа́вы разруши́телю, ве́чныя сме́рти изба́ви мя́;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 12
Благода́ть Твою́ пода́ждь мне́, Иису́се, Бо́же мо́й, приими́ мя, я́коже прия́л еси́ Ио́сифа с Никоди́мом, да, я́ко чи́стую плащани́цу, ду́шу мою́ принесу́ Тебе́ и воня́ми доброде́телей пома́жу Пречи́стое Те́ло Твое́, и, я́ко во гро́бе, в се́рдце мое́м име́ю Тя́, зовы́й: Аллилу́иа.
И́кос 12
Пою́ще Твое́ во́льное распя́тие, покланя́емся страсте́м Твои́м, Христе́, ве́руем с со́тником, я́ко вои́стинну Бо́жий Сы́н еси́, приити́ име́яй на о́блацех с си́лою и сла́вою мно́гою; тогда́ у́бо не посрами́ на́с, Кро́вию Твое́ю искупле́нных и та́ко вопию́щих:
Иису́се многострада́льный, рыда́нием Де́вы Ма́тере Твоея́ ве́чнаго пла́ча исхити́ ны;
Иису́се, от все́х оста́вленный, не оста́ви мя́ еди́наго в ча́с сме́рти моея́.
Иису́се, с Магдали́ною нога́м Твои́м каса́ющася, приими́ мя;
Иису́се, с преда́телем и распе́ншими Тя́ не осуди́ мя.
Иису́се, с разбо́йником благоразу́мным в ра́й введи́ мя;
Иису́се, Сы́не Бо́жий, помяни́ на́с, егда́ прии́деши во Ца́рствии Твое́м.
Конда́к 13
О Иису́се Христе́, А́гнче Бо́жий, взе́мляй грехи́ ми́ра, приими́ ма́лое сие́ от всея́ души́ на́шея приноси́мое Тебе́ благодаре́ние и исцели́ ны спаси́тельными Твои́ми страда́ньми от вся́кия боле́зни душе́вныя и теле́сныя, огради́ ны Кресто́м Твои́м от вра́г ви́димых и неви́димых и при кончи́не живота́ на́шего не оста́ви на́с, да сме́ртию Твое́ю изба́вльшеся ве́чныя сме́рти, вы́ну зове́м Тебе́: Аллилу́иа.
Этот конда́к чита́ется три́жды, зате́м и́кос 1-й и конда́к 1-й.
Моли́тва
На Кресте́ пригвожде́нный за ны́, Иису́се Христе́, Единоро́дный Бо́га Отца́ Сы́не, ми́лости, любве́ и щедро́т неизчерпа́емая бе́здно! Ве́м, я́ко грехо́в ра́ди мои́х, от неизрече́ннаго человеколю́бия, Кро́вь Твою́ пролия́ти на Кресте́ изво́лил еси́, ю́же а́з, окая́нный и неблагода́рный, досе́ле скве́рными мои́ми де́лы попира́х и нивочто́же вменя́х. Те́м у́бо из глубины́ беззако́ния и нечистоты́ моея́ у́мныма очи́ма на Распя́таго Тя́ на Кресте́ Искупи́теля моего́ воззре́в, со смире́нием и ве́рою во глубину́ я́зв, Твоего́ милосе́рдия испо́лненных, себе́ поверга́ю, грехо́в проще́ния и скве́рнаго жития́ моего́ исправле́ния прося́. Ми́лостив бу́ди мне́, Влады́ко и Судие́ мо́й, не отри́ни мя́ от лица́ Твоего́, но всеси́льною Твое́ю руко́ю Са́м мя́ к Тебе́ обрати́ и на пу́ть и́стиннаго покая́ния наста́ви, да отны́не положу́ спасе́ния моего́ нача́ло. Боже́ственными страда́ньми Твои́ми укроти́ моя́ плотски́я стра́сти; излия́нною Твое́ю Кро́вию очи́сти моя́ душе́вныя скве́рны; распя́тием Твои́м распни́ мя ми́ру с собла́знами его́ и похотьми́; Кресто́м Твои́м огради́ мя от неви́димых вра́г, ловя́щих ду́шу мою́. Прободе́нными нога́ми Твои́ми от вся́каго пути́ лука́ваго возбрани́ нога́м мои́м; прободе́нными рука́ми Твои́ми ру́це мои́ от вся́каго неуго́днаго Тебе́ де́ла воздержи́. Пригвожде́нный пло́тию, пригвозди́ стра́ху Твоему́ пло́ть мою́, да уклони́вся от зла́, творю́ бла́го пред Тобо́ю. Преклони́вый главу́ Твою́ на Кресте́, к земли́ смире́ния приклони́ вознесе́нную мою́ горды́ню; венце́м Твои́м терно́вым огради́ моя́ ушеса́, во е́же не слы́шати неполе́знаго; же́лчь уста́ми вкуси́вый, положи́ хране́ние нечи́стым усто́м мои́м; отве́рстое копие́м име́яй се́рдце, се́рдце чи́сто во мне́ сози́жди; все́ми Твои́ми я́звами, всего́ мя сла́дце в любо́вь Твою́ уязви́, да Тебе́, Го́спода моего́, возлюблю́ все́ю душе́ю, все́м се́рдцем, все́ю кре́постию и все́м помышле́нием. Да́ждь ми́ Себе́ стра́нна и неиму́ща, где́ главы́ подклони́ти; да́ждь ми́ Себе́ Всеблага́го, избавля́ющаго ду́шу мою́ от сме́рти; да́ждь мне́ Себе́ Всесла́дкаго, услажда́ющаго мя́ в ско́рбех и напа́стех Свое́ю любо́вию, да Его́же пе́рвее ненави́дех, прогневля́х, от себе́ изгоня́х и ко Кресту́ пригвожда́х, сего́ ны́не возлюблю́, ра́дуяся прииму́ и сла́дце Кре́ст Его́ до конца́ жи́зни мое́й понесу́. Не да́ждь отсе́ле, о всеблаги́й Искупи́телю мо́й, ни еди́ной мое́й во́ле соверша́тися, поне́же зла́ е́сть и непотре́бна, да не па́ки впаду́ в тя́жкую рабо́ту ца́рствовавшаго во мне́ греха́; но Твоя́ во́ля блага́я, спасти́ мя хотя́щая, да соверша́ется во мне́ всегда́, е́йже мя́ вруча́я, Тебе́, Распя́таго Го́спода моего́, у́мным очесе́м моего́ се́рдца представля́ю и молю́ из глубины́ души́, да и в разлуче́нии мое́м от бре́ннаго моего́ те́ла, Тебе́ Еди́наго на Кресте́ Твое́м узрю́, в ру́це мя́ защище́ния Своего́ прие́млюща, и от возду́шных духо́в зло́бы храня́ща, вселя́юща же со гре́шники, покая́нием Тебе́ благоугоди́вшими. Ами́нь.
Самое подробное описание: молитва страсти христовы — для наших читателей и подписчиков.
Акафист Божественным Страстям Христовым (Пассия)
Для корректного отображения содержимого страницы необходимо включить JavaScript или воспользоваться браузером с поддержкой JavaScript.
Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.
Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.
Видев Тя Ангел в вертограде Гефсиманстем до пота кровава в молитве подвизающаяся, представ укрепляше Тя, егда яко бремя тяжкое грехи наши отяготеша на Тебе: ты бо, Адама погибшаго на рамо восприим, Отцу представил еси, преклонь колена моляся. О сем убо с верою и любовию пою Тебе: Аллилуиа.
Разума неуразуменна вольнаго Твоего страдания не уразумеша иудее: сего ради егда в нощи со светильники ищущим Тя рекл еси: Аз есмь, аще и падоша на земли, но по сем связавше Тя, ведоша на судище; мы же на сем пути, припадающе к Тебе, с любовию зовем:
Иисусе, Свете мира, от мира лукаваго возненавиденный;
Иисусе, живый во Свете Неприступнем, от области темныя ятый.
Иисусе, Сыне Божий Безсмертный, от сына погибели на смерть указанный;
Иисусе, в Немже льсти несть, от предателя лестию лобзанный.
Иисусе, туне Себе всем подаваяй, за сребреники проданный;
Иисусе, Сыне Божий, помяни нас, егда приидеши во Царствии Твоем.
Силою Божества Твоего прорекл еси трикратное отвержение ученику. Он же посем, аще и отречеся Тебе с клятвою, обаче, егда узре Тя во дворе архиерейстем, Господа своего и Учителя, умилився сердцем, изшед вон плакася горько: «Призри убо и на мя, Господи, и порази жестокое сердце мое, да слезами моими омыю грехи моя, поя Тебе: Аллилуиа».
Имеяй воистинну власть по чину Мелхиседекову, яко Архиерей во веки, стал еси пред беззаконным первосвященником Каиафою, Владыка и Господь всех; от Твоих убо рабов приявый мучение, приими от нас сицевая:
Иисусе безценный, ценою купленный, стяжи мя в Твое вечное наследие;
Иисусе, желание всех, от Петра страха ради отверженный, не отвержи мя, грешнаго.
Иисусе, Агнче незлобиве, от лютых вепрей терзаемый, изми мя от враг моих;
Иисусе, Архиерею, Своею Кровию вшедый во Святая Святых, очисти мя от скверн плотских.
Иисусе связанный, имеяй власть вязати и решити, разреши моя тяжкая прегрешения;
Иисусе, Сыне Божий, помяни нас, егда приидеши во Царствии Твоем.
Бурею христоубийства дышуще иудее, послушавше глас отца лжи и человекоубийцы искони, диавола, отвергоша Тебе, правый Путь, Истину и Живот; мы же Тя, Христа, Божию силу, в Немже вся сокровища премудрости и разума сокровена суть, исповедуя, вопием: Аллилуиа.
Слыша Пилат кроткия Твоя глаголы, аки достойнаго смерти предаде Тя на пропятие, аще и сам свидетельствоваше, яко ни единыя вины обрете в Тебе: руце убо свои умы, но сердце оскверни; мы же, чудящеся тайне вольнаго страдания Твоего, со умилением зовем:
Иисусе, Сыне Божий и Сыне Девы, от сынов беззакония умученный;
Иисусе, поруганный и обнаженный, даяй лепоту крином сельным и одеваяй небо облаки.
Иисусе, насыщенный ранами, пятию хлебы пять тысящ насытивый;
Иисусе, Царю всех, вместо дани любве и благодарения жестокия муки приемый.
Иисусе, нас ради весь день язвленный, уврачуй язвы душ наших;
Иисусе, Сыне Божий, помяни нас, егда приидеши во Царствии Твоем.
Боготочною Кровию Твоею весь облеклся еси, одеяйся светом, яко ризою. Вем, воистинну вем со пророком, почто червлены ризы Твоя: аз, Господи, аз грехами моими уязвих Тя: Тебе убо, мене ради уязвленному, благодарственно зову: Аллилуиа.
Провидев Тя в дусе Богоглаголивый Исаия, безчестием и ранами исполненна, ужасся вопияше: «Видехом Его, и не имеяше вида, ни доброты»; мы же, зряще Тя на Кресте, с верою и удивлением зовем:
Иисусе, безчестие терпяй, человека славою и честию венчавый;
Иисусе, на Негоже Ангели зрети не могут, по ланитома заушенный.
Иисусе, по главе тростию ударенный, преклони во смирение главу мою;
Иисусе, светлая Твоя очеса кровию омраченная имевый, отврати очи моя, еже не видети суеты.
Иисусе, от ног до главы не имевый целости, всего цела и здрава сотвори мя;
Иисусе, Сыне Божий, помяни нас, егда приидеши во Царствии Твоем.
Проповедник Твоего незлобия явлься Пилат, показа народу ничтоже быти в Тебе достойно смерти; но иудее, яко звери дивии кровь узревше, скрежетаху на Тя зубы своими, «распни, распни Его», вопиюще; мы же, лобызающе пречистыя язвы Твоя, зовем: Аллилуиа.
Возсиял еси в позор и удивление Ангелом и человеком глаголющу о Тебе Пилату: «Се, человек». Придите убо, поруганному нас ради Иисусу поклонимся, вопиюще:
Иисусе, Творче и Судие всех, от твари Своея судимый и мучимый;
Иисусе, премудрости Подателю, ответа безумным не давый.
Иисусе, Врачу уязвленных грехами, даждь ми врачевство покаяния;
Иисусе, Пастырю пораженный, порази бесов, искушающих мя.
Иисусе, плоть имый сокрушенну, сокруши сердце мое страхом Твоим;
Иисусе, Сыне Божий, помяни нас, егда приидеши во Царствии Твоем.
Хотяй человека от работы вражия избавити, смирил еси Себе пред враги Твоими, Иисусе, и, яко агнец безгласен на заколение веден был еси, везде язвы терпяй, да всего исцелиши человека, зовуща: Аллилуиа.
Дивное показал еси долготерпение, егда воини, ругающеся Тебе, по глаголу неправеднаго судии, лютейшими ранами уязвляху Пречистое Тело Твое, яко обагритися ему от ног до главы кровию. Сего ради со слезами вопием Ти:
Иисусе человеколюбивый, от человек тернием увенчанный;
Иисусе, Божеством безстрастный, страсти терпяй, да нас от страстей свободиши.
Иисусе, Спасе мой, спаси мя, повиннаго всем мукам;
Иисусе, всеми оставленный, Утверждение мое, утверди мя.
Иисусе, от всех оскорбленный, Радосте моя, возвесели мя:
Иисусе, Сыне Божий, помяни нас, егда приидеши во Царствии Твоем.
Дивно и странно явистася Тебе Моисей и Илия на Фаворе, глаголюща о исходе Твоем, егоже ныне скончаваеши во Иерусалиме. Тамо убо видевша славу Твою, зде же спасение наше узревша, зовут: Аллилуиа.
Везде от иудей гонимый, многия, ради множества грехов моих, претерпел еси поношения и муки: едини бо Тя противна быти кесарю глаголют, друзии яко злодея осуждают, инии же: «Возми, возми и распни», — вопиют. От всех убо осужденному, и на пропятие ведомому, Тебе, Господу, из глубины души глаголем:
Иисусе, неправедно осужденный, Судие наш, не осуди нас по делом нашим;
Иисусе, изнемогаяй на пути под Крестом, сило моя, в час скорби и озлобления моего не остави мене.
Иисусе, взываяй о помощи к Отцу, Подвигоположниче мой, в немощи моей укрепи мя;
Иисусе, безчестие приемый, Славо моя, от Славы Твоея не отрини мене.
Иисусе, Образе Пресветлыя Ипостаси Отчия, преобрази мое нечистое и мрачное житие;
Иисусе, Сыне Божий, помяни нас, егда приидеши во Царствии Твоем.
Все естество смятеся, зря Тебе на Кресте повешена, на небеси солнце лучи своя скры, земля потрясеся, завеса храма раздрася, камение распадеся, ад умерших изверже: мы же покланяемся на месте, идеже стоясте пречистеи нозе Твои, поюще: Аллилуиа.
Ветия многовещанныя, аще и много глаголют, но не могут достойнаго благодарения воздати Божественным страстем Твоим, Человеколюбче: наша же душа и тело, сердце и вси составы, со умилением к Тебе взывают:
Иисусе, пригвождейся на Кресте, пригвозди и упраздни рукописание грехов наших;
Иисусе, руце со Креста простираяй ко всем, привлецы и мя, заблудшаго.
Иисусе, Двере овцам, в ребра прободенный, введи мя язвами Твоими в чертог Твой;
Иисусе, Плотию распятый, распни плоть мою со страстьми и похотьми.
Иисусе, скончаваяйся в муках, даждь ми, да сердце мое не судит ино что ведети, точию Тебе распята;
Иисусе, Сыне Божий, помяни нас, егда приидеши во Царствии Твоем.
Спасти хотяй мир, слепых, хромых, прокаженных, немых и глухих исцелил еси, духов лукавых отгнал еси; неразумнии же иудее, злобою дышуще и завистию мучими, пригвоздиша Тя ко Кресту, не ведуще пети: Аллилуиа.
Царю Превечный, Иисусе, весь страждеши за мое невоздержание, да всего мя чиста сотвориши, во всем образ нам подаяй, да последуем стопам Твоим, зовуще:
Иисусе, Любы неизследимая, распеншим Тя греха не поставивый;
Иисусе, с воплем крепким и со слезами в вертограде моляйся, научи и нас молитися.
Иисусе, вся пророчествия о Тебе исполнивый, исполни во благих желания сердца нашего;
Иисусе, дух Твой в руце Отцу предавый, в час исхода моего приими дух мой.
Иисусе, ризы Твоя разделити не возбранивый, кротко душу мою от тела отдели;
Иисусе, Сыне Божий, помяни нас, егда приидеши во Царствии Твоем.
Пение всеумиленное приношаше Тебе Всенепорочная Матерь Твоя, глаголющи: «Аще и страждеши на Кресте, но вем Тя из чрева прежде денницы от Отца рожденна, вижду бо, яко тварь вся состраждет Тебе; предаеши дух Твой Отцу, и Мой дух приими и не остави Мене, зовущую: Аллилуиа».
Яко светоприемная свеща, у Креста Твоего горяше любовию к Тебе, и Матернею Дева Пренепорочная обдержашеся болезнию, заходящу Тебе во гроб истинному Солнцу Правды, с Неюже и сердца нашего молитвы приими сицевыя:
Иисусе, вознесыйся на древо, да нас, падших, совознесеши ко Отцу Своему;
Иисусе, девственнику Приснодеву в Матерь даровавый, да нас девству и чистоте научиши.
Иисусе, Тебе, Бога Слова рождшей, ученика Богослова вручивый, вручи и нас всех Ея Матернему заступлению;
Иисусе, мира и ада победителю, победи неверие, гордость житейскую и похоть очес, в нас живущия.
Иисусе, смерти державы разрушителю, вечныя смерти избави мя;
Иисусе, Сыне Божий, помяни нас, егда приидеши во Царствии Твоем.
Благодать Твою подаждь мне, Иисусе, Боже мой, приими мя, якоже приял еси Иосифа с Никодимом, да, яко чистую плащаницу, душу мою принесу Тебе и вонями добродетелей помажу Пречистое Тело Твое, и, яко во гробе, в сердце моем имею Тя, зовый: Аллилуиа.
Поюще Твое вольное распятие, покланяемся страстем Твоим, Христе, веруем с сотником, яко воистинну Божий Сын еси, приити имеяй на облацех с силою и славою многою; тогда убо не посрами нас, Кровию Твоею искупленных и тако вопиющих:
Иисусе многострадальный, рыданием Девы Матере Твоея вечнаго плача исхити ны;
Иисусе, от всех оставленный, не остави мя единаго в час смерти моея.
Иисусе, с Магдалиною ногам Твоим касающася, приими мя;
Иисусе, с предателем и распеншими Тя не осуди мене.
Иисусе, с разбойником благоразумным в рай введи мя;
Иисусе, Сыне Божий, помяни нас, егда приидеши во Царствии Твоем.
О Иисусе Христе, Агнче Божий, вземляй грехи мира, приими малое сие от всея души нашея приносимое Тебе благодарение и исцели ны спасительными Твоими страданьми от всякия болезни душевныя и телесныя, огради ны Крестом Твоим от враг видимых и невидимых и при кончине живота нашего не остави нас, да смертию Твоею избавльшеся вечныя смерти, выну зовем Тебе: Аллилуиа.
Этот кондак читается трижды, затем 1-й икос «Ангелов ликостояние. » и 1-й кондак «Взбранный Воеводо. «:
Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.
Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.
МОЛИТВА КО ГОСПОДУ ИИСУСУ РАСПЯТОМУ
МОЛИТВА ИНАЯ КО ГОСПОДУ ИИСУСУ РАСПЯТОМУ
Господи Иисусе Христе, Сыне Бога живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалях, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, человеколюбче, о всех, яже пострадал еси мене ради грешнаго; не вем, душа бо и тело, и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим и, вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой святый, да причащаяся зде с верою страданиям Твоим, сподоблюся видети и славу Царствия Твоего на небеси! Аминь.
Акафист Страстем Христовым читается во время великопостного богослужения, называемого «пассия». Пассия — это особый чин службы воспоминаний гефсиманских и голгофских страданий нашего Господа и Спасителя Иисуса Христа. По акафисте читается Евангелие, повествующее о страстях Христовых, откуда, собственно, и явилось название пассии (лат. раssiо — страдание, страсть). Чин этот, установленный на Руси митрополитом Петром Могилой и совершаемый в наше время Великим постом в неделю вечера, приобрел особую любовь православного народа. И это не удивительно — ведь в нем с благоговейным трепетом говорится о страданиях и мучениях Невинного — за грешных, Чистого — за нечистых, Сына Божия — за падших людей. Христос Спаситель за всех грешников принял позорнейшие страдания и смерть. На Кресте была принесена жертва умилостивления (Рим. 3, 25) за каждого из нас. И читая этот акафист, вызывающий в наших сердцах священные воспоминания тех отдаленных дней, будем помнить слова Господа, сказанные в Гефсимании апостолам: «Бдите и молитесь, да не внидете в напасть» (Мф. 26, 41).
Ґкafістъ б9ственнымъ стrтeмъ хrто8вымъ
Возбрaнный воев0до, и3 гDи нб7сE и3 земли, тебE, цRS безсмeртнаго, зрS на кrтЁ ви1сzща, всS твaрь и3змэни1сz, нб7о ўжасeсz, њснов†ніz земли2 восколебaшасz. Мh же, недост0йніи, бlгодaрственное поклонeніе твоемY нaсъ рaди страдaнію приносsще, съ разб0йникомъ вопіeмъ ти2:
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
ЃгGлwвъ ликосто‰ніz восполнsz, не t ѓгGлъ воспріsлъ є3си2, но менє2 рaди, бGъ сhй, чlвёкъ бhвъ, человёка грBхъ рaди ўмeрша, животворsщимъ тёломъ и3 кр0вію твоeю њживи1лъ є3си2. Тёмже, толи1цэй любви2 твоeй бlгодaрни сyще, вопіeмъ ти2:
Ї>се, б9е, любы2 предвёчнаz, тaкw њ нaсъ, земнор0дныхъ, возбlговоли1вый: ї>се, млcте безмёрнаz, къ человёкwмъ пaдшымъ д0лу низшeдый.
Ї>се, въ пл0ть нaшу њболкjйсz и3 смeртію своeю смeрти держaву разруши1вый: ї>се, б9eственными твои1ми тaйнами нaсъ њбожи1вый.
Ї>се, страдaньми и3 кrт0мъ твои1мъ вeсь мjръ и3скупи1вый.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Кондaкъ в7.
Ви1дэвъ тS ѓгGлъ въ вертогрaдэ геfсімaнстэмъ, до п0та кровaва въ мlтвэ подвизaющасz, предстaвъ ўкрэплsше тS, є3гдA ћкw брeмz тsжкое грэси2 нaшz њтzготёша на тебЁ: тh бо ґдaма поги1бшаго, на рaмо воспріи1мъ, nц7Y предстaвилъ є3си2, прекл0нь колёна молsсz. W^ сeмъ ќбо съ вёрою и3 люб0вію пою2 тебЁ: Ґллилyіа.
Рaзума неуразумённа в0льнагw твоегw2 страдaніz не ўразумёша їудeє: сегw2 рaди є3гдA въ нощи2 со свэти1льники и4щущымъ тS рeклъ є3си2: ѓзъ є4смь, ѓще и3 пад0ша на земли2, но по сeмъ, свzзaвше тS, вед0ша на суди1ще. Мh же на сeмъ пути2, припaдающе къ тебЁ, съ люб0вію зовeмъ:
Ї>се, свёте мjра, t мjра лукaвагw возненави1дэнный: ї>се, живhй во свётэ непристyпнэмъ, t џбласти тeмныz ћтый.
Ї>се, сн7е б9ій безсмeртный, t сhна поги1бели на смeрть ўказaнный: ї>се, въ нeмъ же льсти2 нёсть, t предaтелz лeстію лобзaнный.
Ї>се, тyне себE всёмъ подавazй, за срeбреники продaнный.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Си1лою бжcтвA твоегw2 прорeклъ є3си2 трикрaтное tвержeніе ўченикY: џнъ же посeмъ ґще и3 tречeсz тебє2 съ клsтвою, nбaче є3гдA ўзрЁ тS во дворЁ ґрхіерeйстэмъ, гDа своего2 и3 ўчи1телz, ўмили1всz сeрдцемъ, и3зшeдъ в0нъ, плaкасz г0рькw. При1зри ќбw и3 на мS, гDи, и3 порази2 жест0кое сeрдце моE, да слезaми мои1ми њмhю грэхи2 мо‰, поS тебЁ: Ґллилyіа.
И#мёzй вои1стину влaсть по чи1ну мелхіседeкову, ћкw ґрхіерeй во вёки, стaлъ є3си2 пред8 беззак0ннымъ первосвzщeнникомъ каіafою, вLка и3 гDь всёхъ: t твои1хъ ќбw рабHвъ пріsвый мучeніе, пріими2 t нaсъ сицев†z:
Ї>се безцённый, цэн0ю кyпленный, стzжи1 мz въ тв0е вёчное наслёдіе: ї>се, желaніе всёхъ, t петрA стрaха рaди tвeрженный, не tвeржи мS, грёшнаго.
Ї>се, ѓгнче неѕл0биве, t лю1тыхъ вeпрей терзaемый, и3зми1 мz t вр†гъ мои1хъ: ї>се, ґрхіерeю, своeю кр0вію вшeдый во с™†z с™hхъ, њчи1сти мS t сквeрнъ плотски1хъ.
Ї>се свsзанный, и3мёzй влaсть вzзaти и3 рэши1ти, разрэши2 мо‰ т‰жкаz прегрэшє1ніz.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Кондaкъ д7.
Бyрею хrтоубjйства дhшуще їудeє, послyшавше глaса nтцA лжи2 и3 чlвэкоубjйцы и3скони2, діaвола, tверг0ша тебе2, прaвый пyть, и4стину и3 жив0тъ. Мh же тS, хrтA, б9ію си1лу, въ нeмже вс‰ сокрHвища премyдрости и3 рaзума сокровeна сyть, и3сповёдующе вопіeмъ: Ґллилyіа.
Слhша пілaтъ крHткіz тво‰ гlг0лы, ѓки дост0йнаго смeрти предадe тz на пропsтіе, ѓще и3 сaмъ свидётельствоваше, ћкw ни є3ди1ныz вины2 њбрёте въ тебЁ: рyцэ ќбо свои2 ўмы2, но сeрдце њскверни2. Мh же, чудsщесz тaйнэ в0льнагw страдaніz твоегw2, со ўмилeніемъ зовeмъ:
Ї>се, сн7е б9ій и3 сн7е дв7ы, t сынHвъ беззак0ніz ўмyченный: ї>се, порyганный и3 њбнажeнный, даsй лёпоту крjнwмъ сє1льнымъ и3 њдэвazй нeбо џблаки.
Ї>се, насыщeнный рaнами, пzтію2 хлёбы пsть тhсzщъ насhтивый: ї>се, цRю2 всёхъ, вмёстw дaни любвE и3 бlгодарeніz жестHкіz м
Ї>се, нaсъ рaди вeсь дeнь ћзвленный, ўврачyй ћзвы душъ нaшихъ.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Кондaкъ є7.
БGот0чною кр0вію твоeю вeсь њблeклсz є3си2, њдэsйсz свётомъ ћкw ри1зою: вёмъ, вои1стину вёмъ со прbр0комъ почто2 червлeны ри6зы тво‰: ѓзъ, гDи, ѓзъ грэхи2 мои1ми ўzзви1хъ тS. ТебЁ ќбw, менє2 ради2 ўsзвленному, бlгодaрственнw зовY: Ґллилyіа.
Прови1дэвъ тS въ дyсэ бGоглаг0ливый и3сaіа безчeстіемъ и3 рaнами и3сп0лнена, ўжaссz вопіsше: ви1дэхомъ є3го2, и3 не и3мёzше ви1да, ни добр0ты. Мh же, зрsще тS на кrтЁ съ вёрою и3 ўдивлeніемъ зовeмъ:
Ї>се, безчeстіе терпsй, чlвёка слaвою и3 чeстію вэнчaвый: ї>се, на нег0же ѓгGли зрёти не м0гутъ, по лани1тома заушeнный.
Ї>се, по главЁ тр0стію ўдарeнный, преклони2 во смирeніе главY мою2: ї>се, свBтлаz тво‰ nчесA кр0вію њмрачє1ннаz и3мёвый, tврати2 џчи мои2, є4же не ви1дэти суеты2.
Ї>се, t н0гъ до главы2 не и3мёвый цёлости, всегw2 цёла и3 здрaва сотвори1 мz.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Кондaкъ ѕ7.
Проповёдникъ твоегw2 незл0біz ћвльсz пілaтъ, показA нар0ду ничт0же бhти въ тебЁ дост0йно смeрти: но їудeє, ћкw ѕвёріе ди1віи, кр0вь ўзрёвше, скрежетaху на тS зубы2 свои1ми: распни2, распни2 є3го2, вопію1ще. Мh же, лобызaюще пречcтыz ћзвы тво‰, зовeмъ: Ґллилyіа.
Возсіsлъ є3си2 въ поз0ръ и3 uдивлeніе ѓгGлwмъ и3 чlвёкwмъ, глаг0лющу њ тебЁ пілaту: сE чlвёкъ. Пріиди1те ќбw, порyганному нaсъ рaди і>су поклони1мсz, вопію1ще:
Ї>се, тв0рче и3 судіE всёхъ, t твaри своеS суди1мый и3 мyчимый: ї>се, премyдрости подaтелю, tвёта без
Ї>се, врачY ўsзвленныхъ грэхми2, дaждь ми2 врачевство2 покаsніz: ї>се, пaстырю поражeнный, порази2 бэсHвъ, и3скушaющихъ мS.
Ї>се, пл0ть и3мhй сокрушeнну, сокруши2 сeрдце моE стрaхомъ твои1мъ.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Кондaкъ з7
Хотsй человёка t раб0ты врaжіz и3збaвити, смири1лъ є3си2 себе2 пред8 враги6 твои1ми, ї>се, и3 ћкw ѓгнецъ безглaсенъ на заколeніе ведeнъ бhлъ є3си2, вездЁ ћзвы терпsй, да всего2 и3сцэли1ши чlвёка, зовyща: Ґллилyіа.
Ди1вное показaлъ є3си2 долготерпёніе, є3гдA в0ини, ругaющесz тебе2, по глаг0лу непрaведнагw судіи2 лютёйшими рaнами ўzзвлsху пречтcое тёло твоE, ћкw њбагри1тисz є3мY t н0гъ до главы2 кр0вію. Сегw2 рaди со слезaми вопіeмъ ти2:
Ї>се чlвэколюби1вый, t человёкъ тeрніемъ ўвэнчaнный: ї>се, бжcтвомъ безстрaстный, стrти терпsй, да нaсъ t страстeй свободи1ши.
Ї>се, сп7се м0й, сп7си1 мz, пови1ннаго всёмъ мyкамъ: ї>се, всёми њстaвленный, ўтверждeніе моE, ўтверди1 мz.
Ї>се, t всёхъ њскорблeнный, рaдосте моS, возвесели1 мz.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Ди1внw и3 стрaннw kви1стасz тебЁ мwvсeй и3 и3ліA на fавHрэ, глагHлюща њ и3сх0дэ твоeмъ, є3г0же нhнэ скончавaеши во їеrли1мэ: тaмw ќбw ви1дэвше слaву твою2, здЁ же сп7сeніе нaше ўзрёвше, зовyтъ: Ґллилyіа.
Ї>се, непрaвэднw њсуждeнный судіE нaшъ, не њсуди2 нaсъ по дэлHмъ нaшымъ: ї>се, и3знемогazй на пути2 под8 кrтомъ си1ло моS, въ чaсъ ск0рби и3 њѕлоблeніz моегw2 не њстaви менE.
Ї>се, взывazй њ п0мощи ко nц7Y, подвигопол0жниче м0й, въ нeмощи моeй ўкрэпи1 мz: ї>се, безчeстіе пріeмый, слaво моS, t слaвы твоеS не tри1ни менE.
Ї>се, џбразе пресвётлыz v3постaси џ§іz, преwбрази2 моE нечи1стое и3 мрaчное житіE.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Кондaкъ f7.
ВсE є3стество2 смzтeсz, зрS тебе2 на кrтЁ повёшена: на небеси2 с0лнце лучи2 сво‰ скры2, землS потрzсeсz, завёса хрaма раздрaсz, кaменіе распадeсz, ѓдъ ўмeршыz и3звер1же: мh же покланsемсz на мёстэ, и3дёже стоsстэ пречcтэи н0зэ твои2, пою1ще: Ґллилyіа.
Вэт‡и многовэщaнніи, ґще и3 мн0гw глаг0лютъ, но не м0гутъ дост0йнагw благодарeніz воздaти б9eствєннымъ стrтeмъ твои6мъ, чlвэколю1бче. Нaша же душA и3 тёло, сeрдце и3 вс‰ состaвы, со ўмилeніемъ къ тебЁ взывaютъ:
Ї>се, пригвождёйсz на кrтЁ, пригвозди2 и3 ўпраздни2 рукописaніе грэхHвъ нaшихъ: ї>се, рyцэ со кrтA простирazй ко всBмъ, привлецы2 и3 мS, заблyждшаго.
Ї>се, двeре nвцaмъ, въ рє1бра прободeнный, введи1 мz ћзвами твои1ми въ черт0гъ тв0й: ї>се, пл0тію распsтый, распни2 пл0ть мою2 со страстьми2 и3 похотьми2.
Ї>се, скончавazйсz въ мyкахъ, дaждь ми2, да сeрдце моE не сyдитъ и4но что2 вёдети, т0чію тебе2 рaспzта.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Спасти2 хотsй мjръ, слэпhхъ, хромhхъ, прокажeнныхъ, нэмhхъ и3 глухи1хъ и3сцэли1лъ є3си2, духHвъ лукaвыхъ tгнaлъ є3си2: неразyмніи же їудeє, зл0бою дhшуще и3 зaвистію мyчими, пригвозди1ша тS ко кrтY, не вэ1дуще пёти: Ґллилyіа.
ЦRю2 превёчный, ї>се, вeсь стрaждеши за моE невоздержaніе, да всег0 мz чи1ста сотвори1ши, во всeмъ џбразъ нaмъ подаsй, да послёдуемъ стопaмъ твои1мъ, зовyще:
Ї>се, любы2 неизслёдимаz, распeншымъ тS грэхA не постaвивый: ї>се, съ в0племъ крёпкимъ и3 со слезaми въ вертогрaдэ молsйсz, научи2 и3 нaсъ моли1тисz.
Ї>се, вс‰ прор0чєствіz њ тебЁ и3сп0лнивый, и3сп0лни во бlги1хъ жел†ніz сeрдца нaшегw: ї>се, д¦ъ тв0й въ рyцэ nц7Y предaвый, въ чaсъ и3сх0да моегw2 пріими2 дyхъ м0й.
Ї>се, ри6зы тво‰ раздэли1ти не возбрани1вый, кр0ткw дyшу мою2 t тёла tдэли2.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Пёніе всеумилeнное приношaше тебЁ всенепор0чнаz м™рь твоS, гlг0люще: ѓще и3 стрaждеши на кrтЁ, но вёмъ тS и3з8 чрeва прeжде денни1цы t nц7A рождeнна, ви1жду бо, ћкw твaрь вс‰ сострaждетъ тебЁ: предаeши д¦ъ тв0й nц7Y и3 м0й дyхъ пріими2 и3 не њстaви менE, зовyщаго: Ґллилyіа.
Ћкw свэтопріeмнаz свэщA, ў кrтA твоегw2 горsше люб0вію къ тебЁ и3 м™рнею, дв7а пренепор0чнаz њбдержaшесz болёзнію, заходsщу тебЁ во гр0бъ, и4стинному сlнцу прaвды. Съ нeюже и3 сeрдца нaшегw моли1твы пріими2 сицевы6z:
Ї>се, вознесhйсz на дрeво, да нaсъ, пaдшихъ, совознесeши ко nц7у своемY: ї>се, дёвственнику приснодв7у въ м™рь даровaвый, да нaсъ дёвству и3 чистотЁ нау1чиши.
Ї>се, тебэ2, бGа сл0ва р0ждшей, ўченикA бGосл0ва вручи1вый, вручи2 и3 нaсъ всёхъ є3S м™рнему заступлeнію: ї>се, мjра и3 ѓда побэди1телю, побэди2 невёріе, г0рдость житeйскую и3 п0хоть nчeсъ въ нaсъ живyщыz.
Ї>се, смeрти держaвы разруши1телю, вёчныz смeрти и3збaви мS.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Кондaкъ в7i.
Бlгодaть твою2 подaждь мнЁ, ї>се, б9е м0й, пріими1 мz, ћкоже пріsлъ є3си2 їHсифа съ нікоди1момъ, да ћкw чи1стую плащани1цу дyшу мою2 принесY тебЁ, и3 вонsми добродётелей помaжу пречcтое тёло твоE, и3 ћкw во гр0бэ, въ сeрдцэ моeмъ и3мёю тS, зовhй: Ґллилyіа.
Пою1ще твоE в0льное распsтіе, покланsемсz стrтє1мъ твои6мъ, хrтЁ, вёруемъ съ с0тникомъ, ћкw вои1стину б9ій сн7ъ є3си2, пріити2 и3мёzй на џблацэ съ си1лою и3 слaвою мн0гою: тогдA ќбw не посрами2 нaсъ, кр0вію твоeю и3скyпленныхъ и3 тaкw вопію1щихъ:
Ї>се, многострадaльный, рыдaніемъ дв7ы, м™ре твоеS, вёчнагw плaча и3схити1 ны: ї>се, t всёхъ њстaвленный, не њстaви мS є3ди1наго въ чaсъ смeрти моеS.
Ї>се, съ магдали1ною ногaмъ твои6мъ касaющасz, пріими1 мz: ї>се, съ предaтелемъ и3 распeншыми тS не њсуди1 мz.
Ї>се, съ разб0йникомъ бlгоразyмнымъ въ рaй введи1 мz.
Ї>се, сн7е б9ій, помzни2 нaсъ, є3гдA пріи1деши во цrтвіи твоeмъ.
Кондaкъ Gi
Q ї>се хrте2, ѓгнче б9ій, взeмлzй грэхи2 мjра, пріими2 мaлое сіE t всеS души2 нaшеz приноси1мое тебЁ бlгодарeніе, и3 и3сцэли1 ны сп7си1тельными твои1ми страдaньми t всsкіz болёзни душeвныz и3 тэлeсныz, њгради1 ны кrт0мъ твои1мъ t вр†гъ ви1димыхъ и3 неви1димыхъ, и3 при кончи1нэ животA нaшегw не њстaви нaсъ, да смeртію твоeю и3збaвльшесz вёчныz смeрти, вhну зовeмъ тебЁ: Ґллилyіа.
Сeй кондaкъ глаг0ли три1жды. И# пaки чтeтсz №-й јкосъ и3 кондaкъ №-й.1
Мл™ва ко гcду ї>су распsтому
С помощью кнопки выберите банковскую карту или Яндекс.Деньги.
Акафист Божественным Страстям Христовым
Утвержден для общецерковного использования
Полезно? Поделись ссылкой!
Акафист Божественным Страстям Христовым был написан в память о последних трёх днях земной жизни Спасителя, названных впоследствии Страстной Средой, Великим четвергом и Страстной Пятницей.
В Страстную Среду произошло предательство Иисуса Иудой и взятие Спасителя под стражу. В Великий Четверг — судилище и бичевание Христа. В Страстную Пятницу — Его распятие и смерть. В акафисте Божественным Страстям Христовым подробно описываются все эти события, а также рассказывается о чувствах Господа, начиная от Его молитвы в Гефсиманском саду и заканчивая предсмертным возгласом «Боже Мой! Зачем Ты оставил меня?», испущенном на кресте. Кроме того, упоминается в нём и Великая Суббота — день когда душа Христа спустилась в ад, чтобы освободить из плена всех ветхозаветных праведников.
Был составлен в XVII веке Киевским митрополитом Петром Могилой.
Для чего читают
Акафист читается верующими в память о страданиях и мученической смерти нашего Спасителя. Несмотря на печальную составляющую является торжественным гимном, ведь для верующих всего мира «страсти» Иисуса Христа на кресте служат кульминацией более чем двухтысячелетних отношений Бога с еврейским народом, которая привела в итоге к спасению всего человечества.
Священники рекомендуют читать акафист Божественным Страстям Христовым и в качестве напоминания верующим о значении Великого Поста — времени духовного и телесного воздержания. Его чтение способствует укреплению веры в Господа, помогает справиться с печалью и унынием.
Когда принято читать
Акафист Божественным Страстям Христовым является праздничным, а потому читается в строго определённые дни года. Он входит в состав особых богослужебных последований — пассий, читаемых во второе, третье, четвертое и пятое воскресенья (или пятницы) Великого Поста. По акафисте читается Евангелие, повествующее о страстях Христовых, откуда, собственно, и явилось название пассии (лат. раssiо — страдание, страсть): на первой Пассии — 26 и 27 главы от Матфея, на второй — 14 и 15 от Марка, на третьей — 22 и 23 от Луки, на четвертой — 18 и 19 от Иоанна.
Келейно же акафист принято читать в Страстную Седмицу — последние шесть дней Великого поста. Однако, можно читать его и любые другие дни года, всегда когда этого требует душа.
Читать акафист Божественным Страстям Христовым
Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.
Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.
Видев Тя Ангел в вертограде Гефсиманстем до пота кровава в молитве подвизающаяся, представ укрепляше Тя, егда яко бремя тяжкое грехи наши отяготеша на Тебе: ты бо, Адама погибшаго на рамо восприим, Отцу представил еси, преклонь колена моляся. О сем убо с верою и любовию пою Тебе: Аллилуиа.
Разума неуразуменна вольнаго Твоего страдания не уразумеша иудее: сего ради егда в нощи со светильники ищущим Тя рекл еси: Аз есмь, аще и падоша на земли, но по сем связавше Тя, ведоша на судище; мы же на сем пути, припадающе к Тебе, с любовию зовем:
Иисусе, Свете мира, от мира лукаваго возненавиденный;
Иисусе, живый во Свете Неприступнем, от области темныя ятый.
Иисусе, Сыне Божий Безсмертный, от сына погибели на смерть указанный;
Иисусе, в Немже льсти несть, от предателя лестию лобзанный.
Иисусе, туне Себе всем подаваяй, за сребреники проданный;
Иисусе, Сыне Божий, помяни нас, егда приидеши во Царствии Твоем.
Силою Божества Твоего прорекл еси трикратное отвержение ученику. Он же посем, аще и отречеся Тебе с клятвою, обаче, егда узре Тя во дворе архиерейстем, Господа своего и Учителя, умилився сердцем, изшед вон плакася горько: «Призри убо и на мя, Господи, и порази жестокое сердце мое, да слезами моими омыю грехи моя, поя Тебе: Аллилуиа».
Имеяй воистинну власть по чину Мелхиседекову, яко Архиерей во веки, стал еси пред беззаконным первосвященником Каиафою, Владыка и Господь всех; от Твоих убо рабов приявый мучение, приими от нас сицевая:
Иисусе безценный, ценою купленный, стяжи мя в Твое вечное наследие;
Иисусе, желание всех, от Петра страха ради отверженный, не отвержи мя, грешнаго.
Иисусе, Агнче незлобиве, от лютых вепрей терзаемый, изми мя от враг моих;
Иисусе, Архиерею, Своею Кровию вшедый во Святая Святых, очисти мя от скверн плотских.
Иисусе связанный, имеяй власть вязати и решити, разреши моя тяжкая прегрешения;
Иисусе, Сыне Божий, помяни нас, егда приидеши во Царствии Твоем.
Бурею христоубийства дышуще иудее, послушавше глас отца лжи и человекоубийцы искони, диавола, отвергоша Тебе, правый Путь, Истину и Живот; мы же Тя, Христа, Божию силу, в Немже вся сокровища премудрости и разума сокровена суть, исповедуя, вопием: Аллилуиа.
Слыша Пилат кроткия Твоя глаголы, аки достойнаго смерти предаде Тя на пропятие, аще и сам свидетельствоваше, яко ни единыя вины обрете в Тебе: руце убо свои умы, но сердце оскверни; мы же, чудящеся тайне вольнаго страдания Твоего, со умилением зовем:
Иисусе, Сыне Божий и Сыне Девы, от сынов беззакония умученный;
Иисусе, поруганный и обнаженный, даяй лепоту крином сельным и одеваяй небо облаки.
Иисусе, насыщенный ранами, пятию хлебы пять тысящ насытивый;
Иисусе, Царю всех, вместо дани любве и благодарения жестокия муки приемый.
Иисусе, нас ради весь день язвленный, уврачуй язвы душ наших;
Иисусе, Сыне Божий, помяни нас, егда приидеши во Царствии Твоем.
Боготочною Кровию Твоею весь облеклся еси, одеяйся светом, яко ризою. Вем, воистинну вем со пророком, почто червлены ризы Твоя: аз, Господи, аз грехами моими уязвих Тя: Тебе убо, мене ради уязвленному, благодарственно зову: Аллилуиа.
Провидев Тя в дусе Богоглаголивый Исаия, безчестием и ранами исполненна, ужасся вопияше: «Видехом Его, и не имеяше вида, ни доброты»; мы же, зряще Тя на Кресте, с верою и удивлением зовем:
Иисусе, безчестие терпяй, человека славою и честию венчавый;
Иисусе, на Негоже Ангели зрети не могут, по ланитома заушенный.
Иисусе, по главе тростию ударенный, преклони во смирение главу мою;
Иисусе, светлая Твоя очеса кровию омраченная имевый, отврати очи моя, еже не видети суеты.
Иисусе, от ног до главы не имевый целости, всего цела и здрава сотвори мя;
Иисусе, Сыне Божий, помяни нас, егда приидеши во Царствии Твоем.
Проповедник Твоего незлобия явлься Пилат, показа народу ничтоже быти в Тебе достойно смерти; но иудее, яко звери дивии кровь узревше, скрежетаху на Тя зубы своими, «распни, распни Его», вопиюще; мы же, лобызающе пречистыя язвы Твоя, зовем: Аллилуиа.
Возсиял еси в позор и удивление Ангелом и человеком глаголющу о Тебе Пилату: «Се, человек». Придите убо, поруганному нас ради Иисусу поклонимся, вопиюще:
Иисусе, Творче и Судие всех, от твари Своея судимый и мучимый;
Иисусе, премудрости Подателю, ответа безумным не давый.
Иисусе, Врачу уязвленных грехами, даждь ми врачевство покаяния;
Иисусе, Пастырю пораженный, порази бесов, искушающих мя.
Иисусе, плоть имый сокрушенну, сокруши сердце мое страхом Твоим;
Иисусе, Сыне Божий, помяни нас, егда приидеши во Царствии Твоем.
Хотяй человека от работы вражия избавити, смирил еси Себе пред враги Твоими, Иисусе, и, яко агнец безгласен на заколение веден был еси, везде язвы терпяй, да всего исцелиши человека, зовуща: Аллилуиа.
Дивное показал еси долготерпение, егда воини, ругающеся Тебе, по глаголу неправеднаго судии, лютейшими ранами уязвляху Пречистое Тело Твое, яко обагритися ему от ног до главы кровию. Сего ради со слезами вопием Ти:
Иисусе человеколюбивый, от человек тернием увенчанный;
Иисусе, Божеством безстрастный, страсти терпяй, да нас от страстей свободиши.
Иисусе, Спасе мой, спаси мя, повиннаго всем мукам;
Иисусе, всеми оставленный, Утверждение мое, утверди мя.
Иисусе, от всех оскорбленный, Радосте моя, возвесели мя:
Иисусе, Сыне Божий, помяни нас, егда приидеши во Царствии Твоем.
Дивно и странно явистася Тебе Моисей и Илия на Фаворе, глаголюща о исходе Твоем, егоже ныне скончаваеши во Иерусалиме. Тамо убо видевша славу Твою, зде же спасение наше узревша, зовут: Аллилуиа.
Везде от иудей гонимый, многия, ради множества грехов моих, претерпел еси поношения и муки: едини бо Тя противна быти кесарю глаголют, друзии яко злодея осуждают, инии же: «Возми, возми и распни», — вопиют. От всех убо осужденному, и на пропятие ведомому, Тебе, Господу, из глубины души глаголем:
Иисусе, неправедно осужденный, Судие наш, не осуди нас по делом нашим;
Иисусе, изнемогаяй на пути под Крестом, сило моя, в час скорби и озлобления моего не остави мене.
Иисусе, взываяй о помощи к Отцу, Подвигоположниче мой, в немощи моей укрепи мя;
Иисусе, безчестие приемый, Славо моя, от Славы Твоея не отрини мене.
Иисусе, Образе Пресветлыя Ипостаси Отчия, преобрази мое нечистое и мрачное житие;
Иисусе, Сыне Божий, помяни нас, егда приидеши во Царствии Твоем.
Все естество смятеся, зря Тебе на Кресте повешена, на небеси солнце лучи своя скры, земля потрясеся, завеса храма раздрася, камение распадеся, ад умерших изверже: мы же покланяемся на месте, идеже стоясте пречистеи нозе Твои, поюще: Аллилуиа.
Ветия многовещанныя, аще и много глаголют, но не могут достойнаго благодарения воздати Божественным страстем Твоим, Человеколюбче: наша же душа и тело, сердце и вси составы, со умилением к Тебе взывают:
Иисусе, пригвождейся на Кресте, пригвозди и упраздни рукописание грехов наших;
Иисусе, руце со Креста простираяй ко всем, привлецы и мя, заблудшаго.
Иисусе, Двере овцам, в ребра прободенный, введи мя язвами Твоими в чертог Твой;
Иисусе, Плотию распятый, распни плоть мою со страстьми и похотьми.
Иисусе, скончаваяйся в муках, даждь ми, да сердце мое не судит ино что ведети, точию Тебе распята;
Иисусе, Сыне Божий, помяни нас, егда приидеши во Царствии Твоем.
Спасти хотяй мир, слепых, хромых, прокаженных, немых и глухих исцелил еси, духов лукавых отгнал еси; неразумнии же иудее, злобою дышуще и завистию мучими, пригвоздиша Тя ко Кресту, не ведуще пети: Аллилуиа.
Царю Превечный, Иисусе, весь страждеши за мое невоздержание, да всего мя чиста сотвориши, во всем образ нам подаяй, да последуем стопам Твоим, зовуще:
Иисусе, Любы неизследимая, распеншим Тя греха не поставивый;
Иисусе, с воплем крепким и со слезами в вертограде моляйся, научи и нас молитися.
Иисусе, вся пророчествия о Тебе исполнивый, исполни во благих желания сердца нашего;
Иисусе, дух Твой в руце Отцу предавый, в час исхода моего приими дух мой.
Иисусе, ризы Твоя разделити не возбранивый, кротко душу мою от тела отдели;
Иисусе, Сыне Божий, помяни нас, егда приидеши во Царствии Твоем.
Пение всеумиленное приношаше Тебе Всенепорочная Матерь Твоя, глаголющи: «Аще и страждеши на Кресте, но вем Тя из чрева прежде денницы от Отца рожденна, вижду бо, яко тварь вся состраждет Тебе; предаеши дух Твой Отцу, и Мой дух приими и не остави Мене, зовущую: Аллилуиа».
Яко светоприемная свеща, у Креста Твоего горяше любовию к Тебе, и Матернею Дева Пренепорочная обдержашеся болезнию, заходящу Тебе во гроб истинному Солнцу Правды, с Неюже и сердца нашего молитвы приими сицевыя:
Иисусе, вознесыйся на древо, да нас, падших, совознесеши ко Отцу Своему;
Иисусе, девственнику Приснодеву в Матерь даровавый, да нас девству и чистоте научиши.
Иисусе, Тебе, Бога Слова рождшей, ученика Богослова вручивый, вручи и нас всех Ея Матернему заступлению;
Иисусе, мира и ада победителю, победи неверие, гордость житейскую и похоть очес, в нас живущия.
Иисусе, смерти державы разрушителю, вечныя смерти избави мя;
Иисусе, Сыне Божий, помяни нас, егда приидеши во Царствии Твоем.
Благодать Твою подаждь мне, Иисусе, Боже мой, приими мя, якоже приял еси Иосифа с Никодимом, да, яко чистую плащаницу, душу мою принесу Тебе и вонями добродетелей помажу Пречистое Тело Твое, и, яко во гробе, в сердце моем имею Тя, зовый: Аллилуиа.
Поюще Твое вольное распятие, покланяемся страстем Твоим, Христе, веруем с сотником, яко воистинну Божий Сын еси, приити имеяй на облацех с силою и славою многою; тогда убо не посрами нас, Кровию Твоею искупленных и тако вопиющих:
Иисусе многострадальный, рыданием Девы Матере Твоея вечнаго плача исхити ны;
Иисусе, от всех оставленный, не остави мя единаго в час смерти моея.
Иисусе, с Магдалиною ногам Твоим касающася, приими мя;
Иисусе, с предателем и распеншими Тя не осуди мене.
Иисусе, с разбойником благоразумным в рай введи мя;
Иисусе, Сыне Божий, помяни нас, егда приидеши во Царствии Твоем.
О Иисусе Христе, Агнче Божий, вземляй грехи мира, приими малое сие от всея души нашея приносимое Тебе благодарение и исцели ны спасительными Твоими страданьми от всякия болезни душевныя и телесныя, огради ны Крестом Твоим от враг видимых и невидимых и при кончине живота нашего не остави нас, да смертию Твоею избавльшеся вечныя смерти, выну зовем Тебе: Аллилуиа.
Тропарь акафиста Божественным Страстям Христовым
Егда славнии ученицы на умовении вечери просвещахуся, тогда Иуда злочестивый сребролюбием недуговав омрачашеся, и беззаконным судиям Тебе, Праведнаго Судию, предает. Виждь, имений рачителю, сих ради удавление употребивша. Бежи несытыя души, Учителю таковая дерзнувшия. Иже о всех Благий, Господи, слава Тебе.
Нас ради Распятаго, приидите, вси воспоим, Того бо виде Мария на древе, и глаголаше: аще и распятие терпиши, Ты еси Сын и Бог Мой.
На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.
Господи Иисусе Христе, Сыне Бога живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалях, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, человеколюбче, о всех, яже пострадал еси мене ради грешнаго; не вем, душа бо и тело, и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим и, вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой святый, да причащаяся зде с верою страданиям Твоим, сподоблюся видети и славу Царствия Твоего на небеси! Аминь.
Правила келейного чтения акафиста
Согласно древней традиции все акафисты принято читать стоя, независимо от того где происходит молитвословие: в доме или в храме. Исключения делаются лишь для больных и немощных прихожан.
В связи с тем, что в большинстве случаев читаются акафисты в соединении с утренними и вечерними молитвами, читать какие-либо дополнительные молитвы не требуется. Акафист в таком случае читается перед молитвой «Достойно есть».
В случае же если акафист читается отдельно от утреннего или вечернего молитвенного правила то сперва произносятся следующие молитвы:
Молитвами святых отец наших, Господи Иисусе Христе Боже наш, помилуй нас. Аминь. Слава Тебе, Боже наш, слава Тебе.
Царь Небесный, Утешитель, Дух Истины, везде пребывающий и всё наполняющий, Сокровищница благ и жизни Податель, приди и вселись в нас, и очисти нас от всякой скверны, и спаси, Благой, души наши.
Вместо этой молитвы от Пасхи до Вознесения читается трижды: «Христо́с воскре́се из ме́ртвых, сме́ртию смерть попра́в, и су́щим во гробе́х живо́т даровав»; от Вознесения же до дня святой Пятидесятницы (Троицы) эта молитва не читается вовсе, сразу читается Трисвятое.
Святой Боже, Святой Крепкий, Святой Бессмертный, помилуй нас.
Святой Боже, Святой Крепкий, Святой Бессмертный, помилуй нас.
Святой Боже, Святой Крепкий, Святой Бессмертный, помилуй нас.
Читается с крестным знамением и поясным поклоном.
Слава Отцу, и Сыну, и Святому Духу, и ныне, и всегда, и во веки веков. Аминь.
Пресвятая Троица, помилуй нас; Господи, очисти грехи наши; Владыка, прости беззакония наши; Святой, посети и исцели немощи наши, имени Твоего ради.
Господи, помилуй.
Господи, помилуй.
Господи, помилуй.
Слава Отцу, и Сыну, и Святому Духу, и ныне, и всегда, и во веки веков. Аминь.
Отче наш, Который на небесах! Да святится имя Твоё; да придёт Царство Твоё; да будет воля Твоя и на земле, как на небе; хлеб наш насущный дай нам сегодня; и прости нам долги наши, как и мы прощаем должникам нашим; и не введи нас во искушение, но избавь нас от лукавого.
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконыя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.
Верую во единаго Бога Отца, Вседержителя, Творца небу и земли, видимым же всем и невидимым.
И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша.
Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася.
Распятаго же за ны при Понтийстем Пилате, и страдавша, и погребенна.
И воскресшаго в третий день по Писанием.
И возшедшаго на небеса, и седяща одесную Отца.
И паки грядущаго со славою судити живым и мертвым, Егоже Царствию не будет конца.
И в Духа Святаго, Господа, Животворящаго, Иже от Отца исходящего, Иже со Отцем и Сыном спокланяема и сславима, глаголавшаго пророки.
Во едину Святую, Соборную и Апостольскую Церковь.
Исповедую едино крещение во оставление грехов.
Чаю воскресения мертвых, и жизни будущаго века. Аминь.
Затем читается сам акафист (при соединении с каноном акафист читается после 6 песни) и после заключительные молитвы:
Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
От Пасхи до Вознесения вместо этой молитвы читается припев и ирмос 9-й песни пасхального канона: «Ангел вопияше Благодатней: Чистая Дево, радуйся! И паки реку: радуйся! Твой Сын воскресе тридневен от гроба и мертвыя воздвигнувый; людие, веселитеся! Светися, светися, новый Иерусалиме, слава бо Господня на тебе возсия. Ликуй ныне и веселися, Сионе. Ты же, Чистая, красуйся, Богородице, о востании Рождества Твоего».
Слава Отцу и Сыну и Святому Духу. И ныне и присно и во веки веков. Аминь.
Господи, помилуй. (Трижды)
Господи, Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.
В старообрядческих церквях перед чтением акафиста, испрашивают благословления, произнося «седмипоклонное начало»:
Боже, милостив буди мне грешному. (Поклон)
Боже, очисти мя грешнаго и помилуй мя. (Поклон)
Создавый мя, Господи, помилуй мя. (Поклон)
Без числа согреших, Господи, прости мя. (Поклон)
Владычице моя, Пресвятая Богородице, спаси мя грешнаго. (Поклон)
Ангеле Хранителю мой святый, от всякого зла сохрани мя. (Поклон)
Святой апостоле (или мучениче, или преподобне отче, имя рек) моли Бога о мне. (Поклон)
И только потом читают положенные в этом случае начальные молитвы.
О составителе акафиста
Акафист Божественным Страстям Христовым был составлен Митрополитом Киевским, Галицким и всея Руси Петром Могилой, происходящим из знатного боярского рода. Став владыкой в 1633 году он за короткое время добился возвращения православной церкви монастырей и храмов, в том числе Софийского собора в Киеве, восстановил Трёхсвятительскую церковь и Церковь Спаса на Берестове, а старинную Десятинную церковь очистил от развалин.
Митрополитом был основан крупнейший на Украине центр просвещения — Киево-Могилянская академия, ставшая и первым высшим учебным заведением на восточнославянских землях, чья система образования была построена на лучших образцах латино-польских школ. При нём началось прославление на Руси праведной Иулиании и Печерских святых.
Большое внимание отец Петр уделял изданию церковных книг, причем все они перед отправкой в типографию сличались с греческими подлинниками. К трудам, изданным в бытность Петра Могилы митрополитом, относятся: Учительное Евангелие, составленное Константином Преславским в конце IX века, Анфологион — сиречь молитвы и поучения душеполезные в душевную пользу сцудеев 1636 года, Евхологион альбо молитвослов 1646 года и катехизис «Православное исповедание» на латинском языке, одобренный с поправками на соборе в Яссах в 1643 году.
Был им составлен и данный акафист, который еще при жизни святителя стал читаться на службах в Великий Пост, войдя в состав праздничных служб Пассий, совершаемых в воскресные дни Великого поста и поныне.
О Божественных страстях Христовых
Для многих людей плохо знакомых с христианской историей, кажется удивительным отношение верующих к такой печальной её странице как мученические страдания Спасителя Иисуса Христа. Вместо слов скорби в эти дни звучат торжественные гимны, вместо траурных служб — службы праздничные. Однако, вспомним, что страдания Господа — есть кульминация более чем двухтысячелетних отношений Бога с еврейским народом, которая в итоге привела к спасению всего человечества, и воспевание их уже не кажется чем-то необычным.
Страсти Христовы длились неделю (Страстная Седмица): со Входа Господня в Иерусалим, в во время которого Спаситель всенародно объявил Себя Мессией, до Воскресения Его, когда Ангел Господень, сошедший с небес, приступив, отвалил камень от двери гроба и сидел на нём … обратив речь к женщинам, сказал: не бойтесь, ибо знаю, что вы ищете Иисуса распятого; Его нет здесь — Он воскрес, как сказал.
В тексте акафиста речь идёт о последних трёх днях Страстей, предшествующих Страстной Субботе. По сути акафист этот является песней кающегося человека, потому читая его стоит всегда помнить об этих словах Спасителя: «Бдите и молитесь, да не внидете в напасть».
